|
مشكله في العربيه مش عارف سببها
السلام عليكم باختصار العربيه بكون ماشي مثلا علي التالت او الرابع وفجأه الاقي العربيه زي متكون اتكلبشت بمعني لو السرعه 70 او 80 تنزل ل 30 او 40 ومهما ادوس جاز مفيش فايده انقل علي التاني وامش واحده واحده لغايت مترجع السرعه تاني والمشكله ممكن يكون حد ماشى ورايا وبخاف لما العربيه تعمل كده يلبس فيا لانها بتعملها بدون مقدمات .ياريت اي حد ينصحنا بخبرته ايه السبب في المشكله دي هيا العربيه مش ملاكي يعني زي الميكروباص كده بس مقفل من وره لنقل البضائع ماركه بيجو 2000 سس موديل 2008 http://www.cercocamion.com/foto/vetr...0_original.jpg ودي صوره تقريبيه للسياره مع اختلاف الماركه
|
رد: مشكله في العربيه مش عارف سببها
المشكلة انك لما بتجيب الثالث او الرابع ممكن تكون مش بتصبر وبالذات فى الغيار الرابع يعنى مثلا انتا المفروض كل لما تلاقى صوت الموتور يعلى المفروض تدى الغيار اللى بعده الغيار الاول من 1 - 20 كيلو الغيار الثانى 20 - 40 كيلو الغيار الثالث 40 - 60 كيلو الغيار الرابع 60 - 80 كيلو الغيار الخامس 80 - وياريت متزودش عن 120 كيلو علشان العربية تبقى ثابتة على الارض |
رد: مشكله في العربيه مش عارف سببها
اعتقد انها كتمة جاز
ممكن نفك الاكور الداخل على طلمبة الجاز هتلاقى مصفى بلاستيك دى تملها تلم رواسب السولار وبعدين ناخد هواء من دورة الجاز عن طريق الكاركة وما تنساش تنضف فلتر فصل الماء |
رد: مشكله في العربيه مش عارف سببها
كان مع واحد اعرفه عربية ماهيندرا جاز و كانت بتعمل نفس الموضوع ده بس مش على التالت او الرابع لا ممكن مع اي غيار و كانت بتطلع دخنة سودا من الشكمان
في الاخر طلعت مشكلة من طلمبة الجاز كانت عايزة تتظبط |
رد: مشكله في العربيه مش عارف سببها
زى ما قالوا السادة الأعضاء الأفاضل
طلمبة الجاز لازم تتظبط تحياتى للحميع ROSE4UROSE4UROSE4UROSE4UR OSE4U |
| الساعة الآن 09:59 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017