حشتري لانوس بس في حاجه قلقاني فيها
 

باذن الله انا رايح اشوف لانوس 2 كامله موديل 2001 وجميع الكماليات تعمل الحمد لله
رشه بره وفابريقه من جوه.
ماشيه تقريبا 100000كم
لكن اللي انا فهمته ان صاحبها كان عامل عمره للموتور من قريب وتقريبا طقم شنبر ...

سؤالي بقى .. في مشكله كده في العربيه او ده يعتبر عيب ؟
ولو طلع عامل عمره كامله مش نص عمره حتفرق برده ؟؟
واعرف منين بالنظر كده نوع العمره اللي معموله ؟؟

مع العلم ان السعر المعروضه به 41000

معلش اعذروني مليش اوي في ميكانيكا العربيات ومفيش حد غيركم حيفيدني.

رد: حشتري لانوس بس في حاجه قلقاني فيها
 

رد: حشتري لانوس بس في حاجه قلقاني فيها
 

لو راشه بره حزام ماشي لكن لو راشه سقف يبقي ابعد خاااالص لو ببلاش عشان سقف ده يعني مخبوطه جاامد

رد: حشتري لانوس بس في حاجه قلقاني فيها
 

انصحك انك تاخد حد معاك يعاين العربية علشان تطمئن على حالتها بس عامة فى رايى بالنسبة للسعر هو ده المتوسط تزيد شوية او تنزل شوية على حسب حالة العربية اهم حاجة انك تطمن ان العربية مش محتاجة مصاريف كتير لان انت كدة كدة لازم تصرف شوية فى الاول على الاقل غيار زيت وفلاتر وبوجيهات وسيور انت خد معاك حد بيعرف فى العربيات كويس وحاول تنزل من الفلوس شوية وخلى بالك ان فى رسوم تسجيل فى الشهر العقارى مش عارف كام بالظبط بس حوالى من 500 الى 800 ج ده بالاضافة الى رسوم الترخيص اللى هتدخل فى حوالى من 800 الى 1000 ج لو هترخص 3 سنين وربنا يوفقك

رد: حشتري لانوس بس في حاجه قلقاني فيها
 

يعني لو عامله عمره طقم شنبر ده عادي ولا في مشكله ؟؟
واعرف منين هي راشه سقف نضافه ولا كانت عامله حادثه؟