|
عربيتى شيفروليه لانوس 2012 اتخبطت وهى مركونة تحت البيت ..... ساعدونى ؟
العربية اتخبطت وهى مركونة تحت البيت وحده ست دخلت فى العربية جامد كسرتلى الأكصدام الأمامى وفانوس يمين وعوجتلى الكبوت والجنب اليمين الي جنب الفانوس , الحمد لله على ستره الحمد لله , المهم اتصلت بحد من عندها وجاه معايا التوكيل وقدر التصليح ب 5000 جنيه بس قال غير الكبوت والجنب اليمين والأكصدام علشان العربية جديدة وتأثرش فيها الخبطة مش عارف رأيكم ايه اروح فين انهى توكيل افضل وكدة سعر العربية هينزل ولا لأ ؟
|
رد: عربيتى شيفروليه لانوس 2012 اتخبطت وهى مركونة تحت البيت ..... ساعدونى ؟
الكلام اللى حضرتك بتقولة دا مش هايتكلف 1000 جنيه لو حضرتك جبت الحاجات دى استيراد من بورسعيد وبنفس لون العربية يعنى حتى مش ها تبقى رشة
وانا اسف لو ها ادخل فيما لا يخصنى ((( العوض حرااااااااام))) |
رد: عربيتى شيفروليه لانوس 2012 اتخبطت وهى مركونة تحت البيت ..... ساعدونى ؟
استاذى الفاضل من قال لحضرتك العوض حرام ؟؟؟؟!!
قال رسول الله صلى الله عليه وسلم ( من اتلف شئ فعليه اصلاحه ) ثانياً ما زنبى انا راكن عربيتى ومتغطية تحت البيت وواحدة ست سايقة العربية بسرعة فى شارع لا يسع لأكثر من عربيتين وبتتكلم فى الموبيل ؟ أى دين وأى قانون يسمح للمستهترين بأتلاف ممتلكات الناس وحضرتك ليه بتفتى فى الدين بدون علم ؟ |
رد: عربيتى شيفروليه لانوس 2012 اتخبطت وهى مركونة تحت البيت ..... ساعدونى ؟
اقتباس:
بصراحه حضرتك عندك حق انا ذنبى ايه انى فعلا ابقى راكن عربيتى تحت البيت وحد مستهتر او مهما كانت الاسباب يخبطلى عربيتى ويجى يقولى العوض حرام طيب وانا مش حرام الفلوس اللى هدفعها اللى ببقى شقيان وطالع عينى بيها وفى الاخر اصلح غلط حد معرفوش من اتلف شىء عليه اصلاحه وانا والله لما خبطت مره واحد مشيت وبعدها ضميرى انبنى وقالى ليه مشيت ما تشوف مين صاحبها وتدفعله الفلوس تمن اللى انت بوظتوا هو زنبه ايه وفعلا روحت لصاحبها بعديها بساعتين وقالى لا مش عاوز منك فلوس وكفايه انك جيت وانا مسامح بصراحه انا اتبسط لانى مكنش معايا فلوس ساعتها وكنت قلت هبقى اخد فلوس من واحد صاحبى علشان اصلحهاله مع العلم بعدها بفترة نزلت لقيت العربيه من نحية تانك البنزين واخده خابطه جامده وداخله لجوه وصاحبها مجاش علشان يدفعلى تمن التصليح ههههههههههههههه |
رد: عربيتى شيفروليه لانوس 2012 اتخبطت وهى مركونة تحت البيت ..... ساعدونى ؟
بص حضرتك انا مليش دعوة بالعوض حرام ولا لا انا هجوب علي سؤالك انتا تروح تصلحها في التوكيل واحسن توكيل لشيفروليه اللي في الكيلو 4.5 مصر اسكندرية قبل ابو رواش اينعم العربيه ممكن تاخد عندهم فترة بس هيطلعولك العربيه زيرو ونصيحه وانتا رايح التوكيل يكون معاك حد فاهم جدا في اللي يعيب العربيه لما تيجي تتباع وينبه علي التوكيل انه عاوز العربيه ميكونش فيها كذا وكذا وكذا لما تيجي تستلم العربيه يكون معاك بردو عشان يشوف الحجات ديه بس بجد هيرجعولك العربيه زيرو
|
| الساعة الآن 02:06 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017