أمامي عربيتين .. أدخل قوللى رأيك بالله عليك
 

لا نسر بومه 2007 أوتوماتيك سوبر أكشن 1600 ماشية 91000 كم مطلوب 88 ألف

لانسر بومه 2007 أوتوماتيك هاف سبورت 1600 ماشية 76000 كم مطلوب 69 ألف

السوبر أكشن طلعه من عيني بس مش عارف غاليه ولا كويسه وكمان امام حوالي 20 يوم عشان تكون فلوسها كاملة ولسه معرفش صاحبها هيرضي يصبر عليا ولا لأ.

الهاف سبورت سعرها مغري بس عايز أتأكد إن مافيهاش مقلب وفلوسها جاهزه.

أنا بس صعبان عليا الفوجات والسبويلر, مش فارق معايا الإيرباج الثانية وفتحة السقف قوي, عارف إنها حجات فرعية بس كنت حابب تكون موجوده عشان عمر ماللي بيركب بيكون زي الأصلي.

إيه رأيكم يارجاله

رد: أمامي عربيتين .. أدخل قوللى رأيك بالله عليك
 

انا رايي خليك في الزيرو وفي حاجات محترمه جدا في الرنج بين 70 حتي 88 اما لو حضرتك مقتنع بالمستعمل فسعر السوبر اكشن غالي جدا وسعر الهاف كويس ولازم تكشف علي العربيه المستعمله كويس جدا ويفضل الذهاب للتوكيل والكشف عليها هناك وربنا يوفقك للخير

رد: أمامي عربيتين .. أدخل قوللى رأيك بالله عليك
 

السوبر اكشن طبعا أفضل بكثير بس لو تنزلها معاه شوية كده يبقى كويس بس سعرها معقول

رد: أمامي عربيتين .. أدخل قوللى رأيك بالله عليك
 

والله أنا مقتنع بالمستعمل حاليا بشرط الحالة طبعا, على أمل إن الزيرو تيجي كمان 3 أو أربع سنين حسب تساهيل ربنا, وأكيد حكشف على العربية كويس جدا عن طريق حد ثقة. بس أعتقد حسب إستطلاع أسعار السوق اليومين دول, السوبر أكشن سعرها معقول وفي النطاق الطبيعى ولكن الهاف سبورت هى إللى سعرها قليل شويه وده مخلينى مرتاب شويه مع العلم إنى لسه حشوف العربيتين بكره إن شاء الله.

أنا معاك إن السوبر أكشن سعرها معقول بس هل وارد في سوق المستعمل (مع العلم إني بشتري من المالك وليس تاجر) إني أدفع عربون فقط لحجز العربية وأكمل البيعة بعد حوالي أسبوعين؟ ولا كده أبقى أنا بستهبل؟ طبعا في الحالة دي مظنش حيكونلي عين أنزل في ثمن العربية.

مستني ردود أكتر يارجالة, ساعدو أخوكو, شكلنا قربنا ننهي الحيره, يامسهل يارب.

رد: أمامي عربيتين .. أدخل قوللى رأيك بالله عليك
 

الهاف سبورت ده سعرها الطبيعي مش لقطه ولا حاجه