|
فعلا إمشى عدل يحتار عدوك فيك ما كدبش إللى قال كده
السلام عليكم عايز أحكيلكو إللى حصلى الاسبوع إللى فات بس عارف إنكم هاتقولو هيا نقصاك إنت كمان كل يوم تحكيلنا حكايه وممكن كمان تقولو عليا مريض نفسى بس انا اعمل إيه هى جات كده من غير ترتيب طبعاً من كام يوم قلتلكم ان صاحب الشغل عامل لوالدتى عمره على حساب الشغل من غير ما أقوله والحمد لله خلصتلها الباسبور والشهاده الصحيه وكل حاجه والله كانت ميسره جداً جداً وماخدناش وقت غير بس فى كتابة الورق لدرجة انى خايف ليكون أجل والدتى هايكون فى السعوديه وعشان كده كل حاجه طلعت سهل خالص بس قلت لنفسى مش مهم لكل اجل كتاب وبعدين يابخته اللى يموت فى مكه او المدينه بعد صاحب الشغل ما قالى على سفر والدتى تانى يوم بالظبط كنت مكلم مسئول المشتريات انه ييجى معايا وانا بشترى عدة المشروع بتاعى عشان يجبلى اسعار كويسه وهو ابدى استعداده التام وقالى مافيش مشكله وانا هاجيبلك اسعار حلوه قوى تتخيلو عمل إيه والله مش هاتصدقوا راح بلغ صاحب الشغل إنى هاعمل مشروع بس انا كنت مكلم صاحب الشغل قبل ما اكلم مسئول المبيعات مش عشان أستأذنه لأ كنت طلبت خشب قديم اللى بيجى مع الماكينات الجديده وسالنى عايزه ليه وقلتله على مشروعى وقالى خلاص خد الخشب اللى انت عايزه يعنى كان عارف كل حاجه تتخيلو عمل ايه مع مسئول المشتريات قالو تنزل دلوقتى حالاً تاخده معاك تجيبلو كل العده اللى هو يقولك عليها وماتحسبوش طبعاً انتم ممكن متصدقوش وده حقكم بس هو ده اللى حصل ورزقى على الله المهم رحت انا وهو محل فى العاشر من رمضان أسمه عالم العدد فى الاردنيه وجيبت كل مستلزمات المشروع وقلت للبياع على جنب لو سمحت لو العده اكتر من الفين جنيه قولى وقالى ليه قولتلو انا مش عايزها تعدى المبلغ ده المهم فضلت انقى واختار ومره واحده وقفت وقلتله أحسب بقى حسبها طلعت قاطعه 2030 جنيه قالى إيه انت حاسبها ضحكت وقلتله إحساسى هو اللى قالى طبعا مسئول المشتريات عمال يقولى ماتزعلش منى ان انا قلتله وكلام من ده قلتله والله العظيم انا مش زعلان وهو مش مصدق معلش ماهو ما يعرفش ان اللى بيمشى عدل عمره ما بيزعل من الحاجات دى لانه ربنا بيبقى حاميه خلاص خلصت وعارف انكو مش هاتصدقوا بس مسير الايام تثبت كلامى لو اتقابلنا على خير ان شاء الله |
رد: فعلا إمشى عدل يحتار عدوك فيك ما كدبش إللى قال كده
يبدو ان الحاجه متوصيه بيك في الدعاء يابختك
ربنا يوفقك |
رد: فعلا إمشى عدل يحتار عدوك فيك ما كدبش إللى قال كده
اقتباس:
ربنا يخليك وبالنسبه للدعاء الحمد لله |
رد: فعلا إمشى عدل يحتار عدوك فيك ما كدبش إللى قال كده
اما انا فمش مستغرب خالص ودي الطبيعي قال صلي الله عليه وسلم فيما معناه تحرو الصدق وان رايتم فيه الهلكه فان فيه النجاه وايكم والكذب وان رايتم فيه النجاه فان فيه الهلكه صدق رسول الله صلي الله عليه وسلم وطبعا فيه قصه مشهورة اظنها لحاتم الطائي التي تاب فيها اللصوص بسبب صدقه اسال الله ان يجعلنا من الصديقين
|
رد: فعلا إمشى عدل يحتار عدوك فيك ما كدبش إللى قال كده
اقتباس:
ربنا يكرمك ونورت الموضوع |
| الساعة الآن 05:07 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017