تكيف اللانوس وتأثيره على السحب
 

بداية أشكر المنتدى وأسرته على كم المعلومات القيمة التى تعلمناها وأرجوا من الله أن يأتى اليوم الذى أشارك به فى النصح والإرشاد ؟

سؤالى يا كرام بمناسبة الصيف :
_ عربيتى لانوس 2006 ، عنما أشغل التكيف العربية بتتحول لبطة بلدى.
هل تكيف اللانوس عامةً عند تشغيلة بيأثر على العربية ولا عربيتى بلدى شوية؟

ثانياً : عندى تشغيل التكيف بتقابلنى عاصفة ترابية ولا رياح الخماسين ، فهل يوجد للانوس فلتر وكيفية تنظيفة؟
وجزاكم الله خيراً

رد: تكيف اللانوس وتأثيره على السحب
 

أعتقد البط البلدى ....بيختلف من مرعى إلى مرعى

( أى حسب طرق الرعايه بالبط )

للأسف

لايوجد فلتر تكييف للانوس

لكن يمكنك التخلص من دخول أتربه وقت تشغيلك للتكييف

بوضع مفتاح أو زرار توزيع الهواء

على وضع إعادة التدوير للهواء ( كما بأفعل عندى بالنوبيرا )

بحيث يتم سحب هواء من الصالون وتدويره فى صورة حاورينى ياطيطه
وليس من خارج السياره

أى الوضع المسمى بال re-circulation

هتأكدلك برضه من تواجد هذه الخاصيه عندك أم لا من كتالوج الانوس

وأعتقد أنها موجوده عندك

رد: تكيف اللانوس وتأثيره على السحب
 

مش موجوده فى كل أنواع الانوس

وحتى مش بنفس الوصف الموجود بالنوبيرا

فتتواجد فى الانوس فى صورة

زراع أفقى على وضعين أيضا

زى جرار الراديو بتاع زمان

فمع سحب الزراع أقصى اليمين ( يتم تحيير الهواء بالوصف السابق )

ومع سحب الزراع أقصى اليسار ( يتم سحب الهواء من خارج السياره )

رد: تكيف اللانوس وتأثيره على السحب
 

الف شكر يا باشمهندس سمير على حسن إهتمامك المتكرر
وربنا يجازيك عنا وكل المبتدئين خير
وعلى فكرة حضرتك من أكثر من أستفدت منهم بالمنتدى الكريم

وبالنسبة لموضع البط هاخد بنصحتك وارجع فيه للأحسن واحد عنده مرعى للبط فى مصر
(توفيق عكاشه)

رد: تكيف اللانوس وتأثيره على السحب
 

الحمد لله لقيته عندى مكسور وثابت على هذا الوضع