|
انتوي شراء F3 manual انشاء الله .. وقصة البحث (اول مشاركة)
زي اي انسان في الدنيا وخصوصا في مصر.. وعشان الواحد يستر نفسة واسرتة اثناء الانتقالات.. بدل وسائل مواصلاتنا المصرية الغير عاطفية.. وطبعا الراحة.. فقررت ان اخطو خطوة نحو هذا الحلم وهو سيارة عائلية صغيرة ( طبعا ده حلم الشاب المصري- متوسط الدخل.. يعيني عليكي يا مصر) المهم اتصدمت من الاسعار .. صحيح كنت متابع بس من بعيد .. بس لما قررت اشتري.. لقيت الارقام بتوجع.. وزي اي شاب مصري شيك رحت اتفرج على العربية Kia Rio 2012 .. اوع وشك يعم الحج.. حركات وتصميمات و طارة مالتي .. بسسس مافيش اير باج.. مفيش ABS .. بكام يعم الحاج .. قلي وياريته ماقلي 115,000 الف .. وال ام جي نازل عليها اوفر و ب 95,000 .. خدت بعضي و مشيت .. المهم اعدت احلل انا محتاج ايه و بكام و تبعيات اختيار سيارة بعينها.. الفلوس مش اكثر من 75,000 جنيه.. و محتاج انها تكون سيارة عائلية .. امان من حيث اختبارات التصادم (استبعدت كل الصيني لهذا السبب) .. تنفع في السفر .. و شكلها مقبول وياريت اوتوماتيك ( بس مظمون ) .. شنطتها كبيرة.. نوع ذو سمعة طيبة وانتشار عددي لسهولة الصيانة و قطع الغيار بعد الضمان.. وانحصرالاختيار الاولي في بروتون ساجا 2010 اللي للاسف هنا في مصر بتتباع 2012.. ورغم انه لا يتحقق فيها بعض الشروط بس انا درست السيارة ديه كويس ,, ميزاتها - موتولا ممتاز 1300. 95 HP من تصميمات شركة Lotus... خامات بروتون انضف بكثير من معظم الصيني, اوتوماتيك , وكيلها مش السوبر .. عادي.. فيه قرف اغلب التوكيلات.. .. عيوبها- .. صغيرة عن اللي كنت محتاجة.. شكلها من الخارج عااااااادي .. ومن جوة بسيطة .. مش منتشرة ( عيب دعايا و كسل وكيل ).. قطع غيارها مش رخيصة ..المهم ماكنتش مرتاح 100%, لمحت تاكسي ظريف BYD F3..( سألت نفسي هو انا ممكن اركب صيني؟؟ ) وجاء تاكسي اخر ثم اخر... قلت ايه ده .. هي العربية ديه ايه قصتها .. و بحثت عنها ووجد كل المعلومات التى احتاجت اليها وشاهدت اختبارات التصادم الخاصة بها . و عوامل الامان ووجد فيها كل ما احتاج اليه.. ووجدتها متميزة عن بقية الصيني فلم انظر اليها نظرتي المعهودة للصيني .. وكان المنتدى من المصادر الهامة.. انا كدة كدة معنديش حساسية ان السيارة منتشرة تاكسي.. بل بالعكس هذا لها ليس عليها.. المهم انا كل معلوماتي عنها دلوقتي كلام مسموع و مقروء وأغلبه ايجابي.. ليس عن تجربة قيادة .. ليه بقة مش منتشرة ملاكي؟؟؟؟.. اكيد مش عشان في تاكسي منها كتير.. ماهي الفرنا و الاسبرانزا وغيرهم زيطة تاكسي و ملاكي وكلو ماشي.. ممكن الوكيل وعدم انتشار مراكز الخدمة ( ممكن)...
و نفسي حد يفيدني في نقطة .. هي افضل ولا ال fsv .. المعلومات المتاحة لدي ان نفس الموتور 4G18 1.6 L SOHC I4 ( حد يصححلي لو غلطان ) والاوبشن واحد.. بس ال fsv شكلها عصري وتصميم مهندس سيارات ايطالي شهيرو بصراحة عجبني شكلها..بس مش عارف ليه انا بحترم خطوات ال BYD كشركة صينيه تحاول ان تتبع المعاييرالعالمية في صناعة السيارات,, وايه بقة قصة ال G3 .. لو الوكيل نزلها .. نظامها ايه خصوصا انها موتور BYD مش MITSUBISHI كالمعتاد ... اسف على الاطالة |
رد: انتوي شراء F3 manual انشاء الله .. وقصة البحث (اول مشاركة)
اقتباس:
بص حضرتك موضوعك تقريبا مجاوب على نفسه في النقاط الي انا محددها باللون الازرق فلم انظر اليها نظرتي المعهودة للصيني : دي اهم نقطة في الموضوع انت تبص للعربية نفسها مش لبد صنعها . بل بالعكس هذا لها ليس عليها : كلام سليم لتوافر قطع الغيار - اصلا هي متوفرة في التوكيل و باسعار اكتر من رائعة - و سهولة تعامل الصنايعية معاها و وجود قطع غيار بديلة زي العفشة التويوتا و الموتور اللانسر. ليه بقة مش منتشرة ملاكي؟؟؟؟ : اقولك ليه .....الوكيل ضعيف و مفيش دعاية .... العربية موجودة في السوق المصري من 2006 او 2007 محدش عرفها الا في 2011 لما نزلت تاكسي..........و طبعا عربية ملهاش دعاية و ملهاش وكيل مشهور زي ابو الفتوح في اسبرانزا مثلا خوف الناس منها رغم انها افضل من اسبيرانزا بكتييييييييييييير... هي افضل ولا ال fsv : الي اعرفه عن بريليانس عموما ان قطع الغيار غالية و عربية مش موفرة على العكس بي واي دي ارخص في الصيانات الدورية بالتوكيل و ارخص في قطع الغيار و متوفرة اكتر داخل و خارج التوكيل .... المعلومات المتاحة لدي ان نفس الموتور 4G18 1.6 L SOHC I4 ( حد يصححلي لو غلطان : الصراحة معرفش مكدبش عليك بحترم خطوات ال BYD كشركة صينيه تحاول ان تتبع المعاييرالعالمية في صناعة السيارات : كدة انت جبت المفيد و مش اي عربية صيني يتخاف منها. وايه بقة قصة ال G3 .. لو الوكيل نزلها .. نظامها ايه خصوصا انها موتور BYD مش MITSUBISHI كالمعتاد ... : ايوة الوكيل نزلها و عربية ممتازة و دور على معلومات عنها عالنت ....انا عندي رابط لموضوع في معلومات كتير عنها بس مش عارف ينفع احطه في الموضوع و لا لأ حسب قوانين المنتدى هنا و عموما مبروك مقدما و اي استفسار تحت امرك |
رد: انتوي شراء F3 manual انشاء الله .. وقصة البحث (اول مشاركة)
رأى الشخصى وعن تجربة
BYD F3 2012 مانيوال زيرو فول اوبشن ( امتلك واحدة ) الموتور بتقنية ميتسوبشى 1600 سى سى عفشة مثل التيوتا ناقل حركة 5 سرعات زجاج ومرايات كهربائية + وحدة تحكم بـ باب السائق زجاجا خلفى فامية شيك جنوط سبور 15 " شنطة عربية واسعة جدا السيارة من الداخل واسعة + عالية عن الارض ثبات عند السرعات العالية ممتاز فانا جبت بيها 140 وبصراحة كانت ثابته وجيدة رغم انى لا احب السرعات العالية لكن من احساسى بالثبات دا اللى جرئنى شوية السيارة بصراحة موفرة في البنزين والتنك 50 لتر سعته الرسمية وسائل الامان من 2 اير باج + abs + ebd سنتر لوك وانذار تكيف بارد تلاجة وساخن فرن فوج لايت خلفى يوجد بها عداد رحلات TRIP A - TRIP B امكانية تعديل وضع الطارة CD AUDIO + وصلة MP3 للامانة المانيوال تقفيل مصرى جيدا جدا وليس سيئ ويعطيك اختيار بين فتحة سقف او بدون المانيوال 74 الف الاتوماتيك 84 الف الاتوماتيك زيادة فيها بفتحة سقف التكييف تاتش + الدريسكون ملتى اوبشن + الفتيس مثل النيسان 2008 او2009 باكرينج سينسور ومميزات اخرى تحياتى |
رد: انتوي شراء F3 manual انشاء الله .. وقصة البحث (اول مشاركة)
اقتباس:
|
رد: انتوي شراء F3 manual انشاء الله .. وقصة البحث (اول مشاركة)
M11 بلا منازع وروح اتفرج وربنا يقدر لك الخير
|
| الساعة الآن 10:56 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017