فلونس والتأمين
 

انا حاجز رينو فلونس وهستلمها كمان اسبوع إن شاء الله و المعرض كان سألني علي التأمين وبالخصوص شركه مصرللتأمين وقعد يقلي دي احسن شركه واضمن واحده ومصر كلها مأمنه عندها قلتله هفكر و اشوف .. انا اول مره أامن علي عربيه وعايز اعرف اللي ليا واللي عليا .. وعايز اعرف بكل صراحه هزهق وهلاقي بيروقراطيه وملل كتير ؟ والتأمين هيبقي علي ايه بالظبط ؟ يعني حوادث كامله مثلا ؟ سرقه ؟ سطو مسلح ؟ حتي لو سرقه مرايات او جنوط ؟ بالنسبه للأيرباج ؟ هيبقي ايه نظام الدفع يعني هيبقي نظام شيك ولا هم هيصلحوهالي ؟ والعربيه في الضمان وانا مش عايز اطلعها بره فلازم تتصلح في التوكيل ف هيبقي ايه الوضع ؟ التأمين هيصلح الطرف التاني كمان زي ما كنت في دبي ؟ ايه نظام التأمين الاسلامي وهيبقي افضل ولا لأ ؟ .... ياريت ياريت حد مجرب يرد عليا لأني عايز أامن قبل ما امشي بالعربيه خطوه عشان ابقي متطمن