استفسار عن نقل ملكية سياره لنفس المرور
 

السلام عليكم

استفسار عن نقل ملكية سياره لنفس المرور يعنى انا اشتريت عربيه بعقد مسجل وانا تابع لنفس المرور اللى تابع له صاحب العربيه اللى هوه البائع


هل رقم اللوحات بيبقى زى ما هو نفس الرقم

وحاجه تانيه عاوز اعرفها

الرخصه فيها سنتين لسه ينفع اعمل عقد مسجل بس لا اوقع عليه مشترى لحد ما السنتين يخلصو

وبعد كده ايه المفروض اعمله بعد كده

رد: استفسار عن نقل ملكية سياره لنفس المرور
 

يا جماعه انا قريت موضوع لاخ من منتدى تانى وهذا كلامه



وده كانت رد واحد عليه

اقتباس:

مش هتدفع ضريبة تاني هتدفع ثمن نماذج نقل الملكية وفحص بس في حدود 40 جنيه للسنتين طبعا + العقد المسجل

هل الكلام ده صحيح لان هعمل عقد مسجل للعربيه لنفس المرور والعربيه بها رخصه سنتين نفس حاجة الراجل ده

ارجو التاكيد

رد: استفسار عن نقل ملكية سياره لنفس المرور
 

ارجو التاكيد هل الكلام ده صحيح

رد: استفسار عن نقل ملكية سياره لنفس المرور
 

على ما اذكر ان لو كانت النمر قديمة فطبعا هتتغير بنمر جديدة اما لو كانت العربية معلقة النمر الجديدة فانا لا اعتقد ان الرقم هيتغير وهترخصها بنفس النمر
اما الجزئية بتاعة العقد المسجل فانا مش فاهم حضرتك تقصد ايه تحديدا بس عامة المقصود بالعقد المسجل انه يكون اتسجل فى الشهر العقارى علشان تروح المرور ترخص فالميزة فى العقد المسجل انه بيوفر عليك رسوم التسجيل فى الشهر العقارى ارجو من حضرتك توضيح وضعك اكتر من كدة لان فى خيارات كتير ممكن نتكلم فيها بس المهم ان انت توضح اكتر وتقولنا كل حاجة يعنى انت شارى العربية بتوكيل ولا صاحبها سجلك العقد وان شاء الله نفيدك
تقبل تحياتى

رد: استفسار عن نقل ملكية سياره لنفس المرور
 

خليك معايا يا صاحبى

صاحب العربيه هيسجلى بعقد مسجل فى الشهر العقارى وانا وهوه من منطقه واحده
والعربيه مرخصه بها سنتين

السؤال هل لما اروح المرور علشان اعمل رخصة العربيه بأسمى هخش فحص وارخص العربيه من تانى ولا ايه


وعلى فكره انا من البحيره وتحديدا تابع لمروركوم حماده ونمر العربيات الملاكى لسه متغيرتش للجديده كله نمر قديمه