مشكله فى سماعه بايونير 460 وات
انا مركب 4 سماعات بايونير و وافر صغير 10 انش على جى ام المشكله دلوقتى لقيت سماعه فى يوم لوحدها عناله تزن مع الباز وبتزن على 25 مثلا وانا اصلا العادى اللى متعود عليه 40 فكيتها وقعدت انضف بالهوا واتشقلبت حواليها لقيت سلك مفكوك من سلوك السماعه اللى فى الرق فلزقته بشمع زى ما كان ملزوق بس مع شوية لحوسه :D المهم كل ما احرك الرق بايدى بسمع صوت الزنه بسيط هل فيه حاجه اقدر اعرف بيها كدا السماعه بتودع ولا لا ؟؟؟ ولو فيه حل هو ايه ؟! |
رد: مشكله فى سماعه بايونير 460 وات
نفس الموضوع حصلى مع السماعتين بتوعى سونى اكسبلود
ماكملتش شهرين ولايقتهم بيزنو مع البيز اكن السماعة لامؤاخذة اتخرمت بصيت عليهم لاقيتم زى الفل والسلوك كلها واصلة تمام نضفتهم وقعدت ازق الكاوتش بتاع السماعة لفوق كدة اللى من ناحية المغناطيس لاقيت الزنة اختفت :danceW7: ماحاولتش بصراحة اعرف اية السبب وسيبتها على كدة والحمد لله الصوت رجع تانى طبيعي |
رد: مشكله فى سماعه بايونير 460 وات
اقتباس:
بص حضرتك ممكن تقلب السماعه وتشغل اى حاجه فيها بيز عالى علشان لو فيها حاجه برده تخرج دى حاجه الحاجه التانيه بص على الرق نفسه ممكن يكون مفكوك من البادى بتاع السماعه نفسه علشان ساعات كتير بيفك من الشمس.... وربنا يوفقك |
رد: مشكله فى سماعه بايونير 460 وات
اقتباس:
وبالنسبة للزنة عادى كل السماعات بتزن وممكن تقلب السماعة وتشغلها شوية لو فيه تراب او رايش بسيط هيطير و أنفخ فيها بحرص الأهم بقى بعد كده لازم متوقفش العربية فى مكان الشمس ضاربة فى السماعات لأنك حتى لو ركبت سماعات رق حديد زهر الشمس برضو هتشيعها :pty: غطى السماعات بالتول الأسود الخفيف اللى بيتباع عند بتاع الكماليات بالمتر ولما تركن العربية حطلهم شماسة محترمة تحافظ عليها ومنتظر الرد و آسف للإطالة تقبلوا مرورى |
رد: مشكله فى سماعه بايونير 460 وات
الحمد لله عرفت المشكله كانت ايه هما كانو مشكلتين الاولى ان فيه سلك بيكون ملحوم فى الرق بتاع السماعه وبيكون ماشى عليها من ضهرها كدا وملزوق بشمع شفاف الشمع دا كان فك فمع اى بيز تلاقى السلك بينحر فى الرق فلزقته بس برضو كانت المشكله لسه موجوده بعد تنطيط وشقلبه اكتشفت ان البنات اللى بيدخل فيها الكلبسات كانت بدات تلعب بمعنى انها مع البيز تفصل وتشتغل فصوت الزنه دا كان من التلميس دا وحليتها بانى فكيت الكلبسات ووصلت السلوك اللى طالعه من الجى ام على سلوك السماعه وشكرا ليكم يا اجمل اعضاء :Wkiss5: |
الساعة الآن 05:48 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017