|
معدل استهلاك البنزين فى BYD F3
<div align="center">السلام عليكم و رحمة الله و بركاتة
انا حبيت اكتب الموضوع ده لانى لاحظت ان المنتدى بقى نايم اوى و مافيش مواضيع جديدة..قلت اكتب موضوع نتكلم فية شوية بدل ما احنا قاعديين كده..ندخل فى الموضوع بقا..انا اشتريت العربية من اسبوعين و الحمد لله العربية روعة بكل معنى الكلمة لاكن لاحظت ان معدل البنزين عالى شوية انا فولت التنك و مشيت بالعربية 250 كيلو..حسبها بال Trip B...المهم ببص انهرده فى العداد لاقيت نفسى عامل 250 كيلو متر و عداد التنك على النص..انا شايف ان المعدل ده عالى شوية يعنى العربية تعمل 53 فى 500 كيلو..و بالمناسبة فى ناس بيقلولى ان الدركسيون هاف بور مش بور كامل و انا حاسس ان الدركسيون تقيل شوية عن انو بور فهل ده عيب عندى مثلا لما اروح التوكيل اخليهوم يزودو زيت البور و لا اية بالضبط..و اسف على الاطالة |
رد: معدل استهلاك البنزين فى BYD F3
يا نهار اسود انا حطيت الموضوع مرتين بالغلط يا ريت اى مشرف يمسح واحد فيهم...
|
رد: معدل استهلاك البنزين فى BYD F3
تم مسح الموضوع المكرر وشكراً للتنبيه :fun_36_3_9[1]:
|
رد: معدل استهلاك البنزين فى BYD F3
ان شاء الله الاخوة اللى معاهم العربيه يدولك بيان اوضح بخصوص متوسط الاستهلاك بس الاهم انك تتاكد انك حاسبه صح افضل حسبه انك تملى التانك (على عينك) فى البنزين مع العامل وتمشى مسافه طوالى بدون احمال (اوزان اشخاص) فى العربيه مسافه طوالى وبعدين تروح تفول تانى (على عينك) برضو لنفس النقطة اللى انت مليت عندها وتشوف استهلكت قد ايه وتكرر ده مرة او اتنين علشان توصل لادق متوسط غير كده كل مرة هيطلع الاستهلاك مختلف لاختلاف ظروف القيادة على الاقل
نقطة تانية حبيت اوضحها بخصوص الهاف باور مفيش حاجة اسمها هاف باور يا باور يا مفيش الهاف باور ده بيتقال على العربيات الصغيرة اللى السكاترا بتاعتها خفيفه بس من غير طلمبة فيتقال عليها مجازاً هاف باور لانها بتخف مع الحركة الخلاصة كمان اى عربيه عايز تشوفها باور او لاء جرب توجهها بالدريكسيون وهى مبطلة ومرة وهى دايرة وكل ده وانت ثابت من غير حركة وشوف هتحس بفرق ولا لاء غير كده كمان طلمبة الباور بيبقى لها صوت مع لف التاره ممكن تسمعة لو مركز اوى بس عموماً اعتقد انها باور وفى احتمال انك تكون مش ظابط الكاوتش كفايه وده السبب فى تقل الدريكسيون وهو نفسه سبب استهلاك البنزين الزايد فراجع كمان ظبط الهواء فى الكاوتش نقطة اخيرة طالما العربيه لسه جديدة متشغلش بالك بالكلام ده كله احتمال كبير الاستهلاك يتحسن بعد اول تغييرتين زيت |
رد: معدل استهلاك البنزين فى BYD F3
متشكر جدا يا باشا على الرد الجميل ده..و على فكرة احنا بنكون 6 فى العربية اغلب الاوقات العيلة كلها يعنى ممكن نكون وزننا 400 كيلو تقريبا او اقل شوية..غير كده فى صوت طبعا للبور و هو مش تقيل اوى لا انا قصدى تقيل سنة بسيطة و ده بيتهيئلى ميزة على السرعات العالية..عموما استنى اجابة الاخوة ملاك السيارة..
|
| الساعة الآن 10:01 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017