صيانة الالف كيلو
 

احب اشارك معاكم تجربة صيانة الف كيلو واللي حصل معاي في مركز الخدمه بالنسبه للتيجو 2012 ذهبت للتوكيل الساعه 8 صباحا وانتظرت حتي تم عمل امر الشغل واستلام السياره مني وشكوت من الاتي 1 - تنتيشه علي الغيار التاني وعضه 2-رعشه في الفرامل 3- رعشه في العربيه لما تزيد السرعه عن 130كيلو 4- استهلاك البنزين عالي 5- ريموت الكاسيت مش شغال 6 -امبير تنك البنزين مش مضبوط 0000000000000000000000000 0 وحدث الاتي تم استلام السياره مني الساعه 9 صباحا ودخلت الورشه ودخلت انا معاها وكنت واقف مع المهندس والميكانيكي وقال المهندس للميكانيكي شوف الاستاذ بيشكي من ايه قولت بجد بدايه خير وانشاء الله العربيه تتظبط المهم تم الاتي تم غسل الماتور بالكامل والحوض تم رفع العربيه وتربيط العربيه بالكامل تم تغير الزيت والفلتر الزيت مع تنظيف فلتر البنزين وتم تعليه حساس الدبرياج عشان التنتيشه والعضه اما بالنسبه للفرامل بعد ما طلع المهندس وجربها قالي دي محتاجه طنابير الطنابير بايظه وقالي احنا هنصور العربيه ونبعت علي الشركه و تيجي الموافقه بالتركيب ونركبها لحضرتك قولتلو امتي قالي بعد 3 ايام طيب يالنسبه للبنزين قالي معلش امشي بيها 5000كليو وبعد كده نحكم طيب بالنسبه لمؤشر البنزين مش مضبوط قالي لازم افك الكرسي واشوف العوامه بس ياريت قبل ما نعمل كده جرب العربيه لحد 5000 طيب بالنسبه لرموت الكاسيت قالي مش تبعنا اطلع علي الضمان بتاعو يالنسبه لرعشه العربيه بعد 130ك قالي اضبط زوايا وترصيص عند اي حد قولتلو ازاي قالي احنا مش عندينا زوايا وترصيص واتخانقت معاهم لاني زهقت وهما معملوش غير تغير زيت وفلتر وتربيط علي العربيه والباقي ولا حاجه اتعملت وفي الصيانه تعرفت علي ناس كتير عنديهم مشاكل زيي واخدنا ارقام تليفونات بعض واتفقنا انو بعون الله نرفع قضيه علي ابو الفتوح في حمايه المستهلك مع العلم ان عربيتي كانت اقل عربيه فيها مشاكل بالنسبه للموجدين في مركز الصيانه واسف علي الاطاله بس عايز الناس تعرف اللي بيحصل الحمد لله علي كل شيء

رد: صيانة الالف كيلو
 

طبعا سعادتك روحت مركز خدمه اللى متعاقدين مع ابو الفتوح مش المراكز الاصليه اللى فى ابو رواش ووطريق مصر الاسكندريه وهى دى المصيبه الكبرى اللى عملها ابو الفتوح :w6w200504112236376d؟؟؟ نصيحتى لسعادتك مركز ابو رواش وهتلاقى كل مشاكلك اتحلت وده عن تجربه :CONGRA~238::CONGRA~238:

رد: صيانة الالف كيلو
 

رد: صيانة الالف كيلو
 

هل المشكلة مشكلة مركز الخدمة ام عيوب بالسيارة كما يقال المثل البلدى ايش تعمل الماشطة فى الوجه العكر. هى عيب سيارة حتى لو كان المكز فى المانيا الغربية وليس بأبورواش . سيارة بعد 1000 كم بها هذه العيوب تخيل شكل السيارة عند 100000 كم ان وجدت اصلا ؟ اتكل عاى الله وارفع قضية التيجو سيارة فاشلة انا جربتها وبعتها وخسرت 17 الف جنيه من ثمنها منك لله يا ابو الفتوح

رد: صيانة الالف كيلو
 

مع كل احترامي لحق حضرتك في انك تاخد احسن معاملة وانك شاري عربية علي الزيرو المفروض ما يبقاش فيها عيوب بس خلينا نتفاهم من غير عصبية:

1- التوكيل اعترف بمشكلة الطنابير وقال انها هتتغير
2- قالك اصبر علي البنزين والعوامة لغاية 5000 عشان يشوفوا الاستهلاك وتتاكد صح

يبقي هما ما عندهمش مشكلة في الحتة ديه

3- مشكلتك الترصيص والزوايا، حضرتك عارف هتدفع كام في حماية المستهلك وفي الاخر هيطلع ان ده مش عيب اساسي في العربية يستاهل التغيير، انا ما بقولش تسكت عن حقك، لا كلمهم وروح تاني واعملها علي حسابهم بس ما تديش الامور اكبر من حجمها، استمتع بعربيتك ولو في مشاكل روح مركز ابورواش وهما هناك تقريبا اكتر مركز فاهم.