يا جماعة حد يفيدني
 

انا عندي عربية لانسر 2007 كاملة اتوماتيك 1300cc وكنت ماجرها والرجل ضحك علي في الفلوس وكمان اخد الايرباج من السيارة حطه في عربية تانية والحمد لله انتحرptmnlo123per144
المهم نفسي اباعها ومش عارفة ايجيب ايرباج للطارة تفتكروا ممكن ابيعها كده ( لاني انا عرفت ان في ايرباج مستعمل وانا مش بعرف فيها وخايفة يضحك علي ) ولو هتتباع كده تجيب كام ولو ركبت الايرباج سعرها يكون كام .
(علي فكرة انا جددت العربية كلها وصرفت عليها مبلغ كويس وهي حالتها كويسة جدا حتي لو الا هيشترها يحب يكشف عليها في التوكيل انا موافقة بس للامانة الفرش مش نظيف شوية وانا حاولت انظفه وركبت كسوة جميلة وهي عاملة 65000 ك عشان الصورة تكون واضحة.
ممكن بقي حد يساعدني

رد: يا جماعة حد يفيدني
 

لو حضرتك عايزه تعملي الاير باج في رأيي ملهاش حل غير التوكيل عشان تتعمل صح و بنضافه

اما موضوع تتباع من غير ايرباج اه تتباع 3/4 عربيات مصر مفهاش ايرباجات عادي بس طبعا هتقلل من تمنها لانها عامل امان برضه و يا ريت تسألي في التوكيل بتتكلف كام

رد: يا جماعة حد يفيدني
 

انا مش عارف ازاي ياخد الايرباج دي لانها عمليه معقده ان لم تكن مستحيله
و غير كده تكلفه الايرباج في الشركه عاليه لانها بتيجي في طرود مخصوصه لاحتوائها علي غازات
و مواد خطره تمنعها من النقل بسهوله.
و عموما مش حتأثر اوي في اللنسر لان فيه عربيات لانسر باير باج و عربيات من غير
فهيا حاجه مش اساسيه
بس لو روحتي التوكيل ما تتخضيش لو قالولك 20 الف ولا حاجه !!!!!!!!!!!!!!

رد: يا جماعة حد يفيدني
 

كنت لسه حاقول الكلام ده

انا عمرى ماسمعت عن اير باج بتتسرق افتكرى كويس جايز تقصدى حاجة تانية الإير باج دى هيا الوسادة الهوائية الى بتفتح فى حالات التصادم وطبعا مع انفجارها بتبوظ الطارة و التابللوه ولازم يتغيرا بعدين

رد: يا جماعة حد يفيدني
 

شكرا علي الرد :
بس واللهي دا الا حصل الطارة سليمة (لان العربية سليمة ما عملتش حادثة ) بس مفكوك منها الرشة الا في النص والا فيها الايرباج وسهل تتركب من غير ما تغير التابلوه وانا عرفت انها في الحرفيين بـ 3000ج من غير الطارة بس انا مش معرفش اذا كانت جيدة ولي لا .
حد يعرف يقولي اعرفها ازي واذا كان سعرها اقل من كده ولي لا .
وشكرا