مصر موتورز مجتمع السيارات - حصلتلى حكايه غريبه ومن ساعتها وان مقتنع ان السواقه فن وزوق

السلام عليكم
حصلتلى حكايه غريبه من 15 سنه فى امتحان السواقه
وحبيت احكيه لاصحابى فى المنتدى ممكن يفيد اى واحد رايح يطلع رخصة قياده اول مره
والموضوع هو انى رحت انا واخويا عشان امتحن سواقه
وبعدين المهندس كان واقف مع الظابط وقالى اطلع بالعربيه وانا لسه ها ادخل الممر بتاع الامتحان وقعت اول قمع يعنى منتهى الغباء يعنى اى حد هايقول ده مابيعرفش يسوق رحت متقدم ومكمل اكنى موقعتش حاجه وعديت وكان المرور الايام دى شادد جداً فى موضوع الرخص ومقفل مع اى حد حتى الواسطه ماكانتش بتعرف تعمل حاجه وكان ساعتها الناس بتقول (الجنيه غلب الكارنيه ) يعنى الواسطه مش هاتنفع
بس انا ماكنتش جايب واسطه ومعيش غير ربنا واخويا
المهم نزلت من العربيه واديتها لاخويا عشان انا كنت زعلان جداً عشان انا سقطت
فى الاختبار المهندس نده عليا وقالى روح اعدل القمع حلاوة ما انت سقطت
ابتسمت ابتسامه صغيره ورحت عدلت القمع وروحت البيت زعلان جداً عشان هاقعد 3 شهور عدى اسبوعين قلت اروح المرور اشوف ميعاد الاختبار التانى امتى
لاقيتهم بيدونى الرخصه وانا ولا دفعت فلوس ولا جبت واسطه
وعرفت ان المهندس نجحنى عشان انا طلعت زوق ورحت عدلت القمع وانا مبتسم
ومن ساعتها وان مقتنع ان السواقه فن وزوق