فلتر بنزين نيو اكسنت فيييين
 

السلام عليكم ورحمه الله اخوتى

من اسبوع تقريبا كنت مع واحد صحبى بيغير طقم بوجيهات لعربيه فيرنا وفجات بانه بيفع الكنبه الى ورا وبيكشف على الرداخ وجنب الرداخ من فوق فلتربنزين لونه اسود وخلاه يغيره

طيب النيو اكسنت فين الفلتر بتاعها انا قلبت عليه العربيه كلها مهو لازم فلتر بنزين
حد يفدنى ويعرفنى لان لازم الفلتر ده يتغير كل فتره حتى لو بتحط بنزين 92 لان احنا فى مصر فى جميع الحالات عندنا شوائب فى البنزين بمختلف انواعه


برجاء الافاده وحد يقولى الفلتر ده فين بظبط

تحياتى للجميع

رد: فلتر بنزين نيو اكسنت فيييين
 

الفلتر تحت الشلته بتاعت الكرسى الخلفى

رد: فلتر بنزين نيو اكسنت فيييين
 

اخى الكريم انا سبق وغيرت الرداخ قبل كده والفلتر مش تحت الشلته زى ما بتقول

الوضع الى انت بتقول عليه ده الفرنا كده الفلتر تحت الشلته بجوار الرداخ انما النيو اكسنت مش كدا

الرداخ وطالع منه خرطوم الضخ وخرطوم الراجع مباشر عليه الطربه فقط
اذا لا يوجد فلتر تحت الشلته

الموضوع بجد مهم لكل الى عنده عربيه نيو اكسنت لان الفلتر بيغير كل فتره

تحياتى

رد: فلتر بنزين نيو اكسنت فيييين
 

على فكرة انا عندى نيو اكسنت وغيرتة مرة قبل كدة وكان الميكانيكى اتلغبط فى تركيبة فركبتة انا وهو واقف كمان

فهو فعلا فوق التنك

رد: فلتر بنزين نيو اكسنت فيييين
 

اخى الكريم انا مش بشكك فى كلامك انا معايا نيو اكسنت 2010 ومش فيها فلتر بنزين

ممكن تقول عربيتك موديل كام

ولو تسمح تصور مكان الفلتر عندك وترفعه فى الموضوع لان لو فعلا عربيتى مفهاش فلتر بنزين
هشوف الصوره الى هترفعها وهروح للمكانيكى واخليه يعملى هوه فلتر ليها

محدش يقول انى بعدل على الخواجه بس لكم عرفين بنزين مصر

مستنى رضك اخى

تحياتى