سائل لراب الشقوق في الجوانات ووش السلندر
 

هل حقيقي فيه سائل بيسد أي شروخ في وش السلندر أو الجوانات انا قرات عنه في النت فارجو الافادة عن اسم المنتج ,السعر ,ومدي جدواه. وشكرا وانا اسف لكل اعضاء المنتدي اسئلتي كتيير بس علشان لسه جديد في الموضوع ده

رد: سائل لراب الشقوق في الجوانات ووش السلندر
 

يوجد وانا جربتة وكان نتيجتة ممتازة
السائل عبارة عن علبة اسمها Holts
جبتها ب25 جنية من محل قطع غيار عندنا في المنيا
وبتتحط في خرطوم المية اللي داخل عاي الموتور والعربية سخنة

رد: سائل لراب الشقوق في الجوانات ووش السلندر
 

متابع باهتمام بقيه الردود

رد: سائل لراب الشقوق في الجوانات ووش السلندر
 

انا رحت لبتاع الردياتير وقلت له علي موضوع السائل ده فوضع لي بودره مع مياه الردياتير وقال لي انها ممتازةوتؤدي الغرض وكما وضعت علبة كنز في قربة المياه لعلاج الصدأ والمحافظة علي الموتور من المياه العادية

رد: سائل لراب الشقوق في الجوانات ووش السلندر
 

هو موجود فعلا و إسمه SEAL BLOCK وسعرة 40 جنيه وطريقة إستخدامة:
تنزل ميه الريداتير وتسخن العربية وتحط الإزازة كلها أو إزازتين بيروح داخل على الوش ويرمم اى شقوق او فتحات فيه ، تمام \
هى دى طريقة إستخدامه لكن انا شايف انه ضحك على الدقون مع إحترامى الشديد
الحل هو فك الموتور و نشوف اه اللى فيه لو ينفع يتملى الفراغات دى عند واحد خراط محترم ، ومن الآخر كده لو هيا عربية جديدة والوش ضعيف ومينفعش يتملى على طول وانت مغمض تروح تشترى وش سلندر جديد عشان تريح دماغك وياسلام بقى لو بالمرة تغير معاك طقم الشنبر عشان تحكم الموتور من فوق ومن تحت وهتسمع أحلى صوت لموتور عربيتك لو بإذن الله إتعملت صح و هتدعيلى
آسف للإطالة و تقبل مرورى