ال rpm زاد بعد تغيير الموبينة
 

السلام عليكم ورحمة الله وبركاتة

معايا بولو 99 عملت معايا فصل وانا ماشى بيها والعربية سخنة وجيت وقفت فى اشارة مافيش دقيقتين ومابطلتش العربية ولما الاشارة فتحت اجى اطلع الاقيها بتلق وماشية زق بالعافية ركنتها وادور مافيش ماش والماتور بيلقط بالعافية ويلق ولمبة البطارية ظهرت فى التابلوة وادى بنزين تختفى وتظهر بصيت ع الشكمان لاقيت تحتية بقعة ماء تقريبا وتختفى مع الوقت ....

المهم رحت فاتح الكبوت نضفت القواطش والبطارية لاقيتها خضراء ومافيش حاجة ...
رحت ادور على اقرب ورشة " العربية عطلت فى الاشارة اللى فى اول صفية زغلول - محطة الرمل - الاسكندرية " المهم صاحب الورشة اللى رضا يبعت معايا حد يبص ع العربية قالى ادفع تاءمين 30ج ادتهملة وبعت معايا شاب كهربائى

كشف ع العربية وقالى الموبينة تعيش انت قلتلة متاءكد قالى انا كهربائى - طب اجبها من اين قالى روح عند هريسة فولكس شوب فى اخر شارع صفية زغلول باءسال عليها قالى 300ج الموبينة الاصلى ولو طلعت من المحل وماشتغلتش مافيش ترجيع وخلانى اتصل بالكهربائى ااكد علية

المهم اشتريتها وطبع يبدو عليها انها مش اصلية خالص لان حتتة الكرتونة المعفة اللى فيها مكتوب عليها تكنولوجيا المانية لاكن الموبينة ذات نفسها مش باينلها اصل " اكيد صينى " مش مكتوب عليها احم حتى ....................

الموبينة ركبيت والعربية دارت الحمد لله والكهربائى طلب 20ج ع ال30ج التاءمين عشان تبقى اتغيرت ب 50ج

بس ال rpm ع السلانسية والعربية دايرة بسخنها انا كنت بصيت علية قبل كدة كان 750 لفة
بعد تغيير الموبينة ببص علية النهاردة لاقيتة 950 لفة

السؤال بقى هوا كدة فية حاجة غلط ولا الموبينة الجديدة محتاجة تظبيط وهل دة يضر فى حاجة

معلش طولت عليكما

رد: ال rpm زاد بعد تغيير الموبينة
 

بصراحه معنديش رد علي سؤالك بس تقريبا كده مفيش مشكله
بس انا كان ردي عشان استفزيت من الاستغلال ده
يعني ايه 30 جنيه تامين !!!!!!!!!!
ويعني ايه الموبينه لو طلعت من المحل معرفكش!!!!!افرض طلعت بايظه مثلا!!!!!محسسني انها ب10 جنيه!!!!
ويعني ايه 300 جنيه حاسس انهم كتيييير اوي!!!!!
وليه 50 جنيه في تغيير موبينه!!!!
دانا لو جبت عيل في حضانه حيركبها عمل ايه هو جديد؟!
معلش انت عطيتني جرعة استفزاز كبيره اوي
انا لو منك وسمعت كلمة تامين دي من بدايتها كنت ركنتها وروح جبت الميكانيكي بتاعي او حد موثوق فيه بدل الاستغلال المقرف اللي الواحد بقي فيه ده:red_face10::019F3B~14:

رد: ال rpm زاد بعد تغيير الموبينة
 

اسوأ فئه مستغله الصنايعيه وخصوصا لو العربيه عطلت استغلال رسمي

رد: ال rpm زاد بعد تغيير الموبينة
 

:12F099~16::12F099~16::12 F099~16::12F099~16::12F09 9~16::12F099~16::12F099~1 6::12F099~16::12F099~16:: 12F099~16::12F099~16::12F 099~16::12F099~16::12F099 ~16::12F099~16: