|
ارجوووووكم يا جماعة حد يفيدنى "بصمة الماتور مش ظاهرة"
(بسم الله) يا جماعة انا اشتريت من 3 اسابيع عربية رينو كليو 2002 من واحد معايا فى الشغل و روحت عملت عقد بيع فى الشهر العقارى و اديت البائع فلوسة كاملة بس العربية ملاكى اسكندرية و فاضل فى الرخصة 7 شهور فا هو جابلى براءة زمة علشان المخالفات بس, المهم انا عاوز ارخصها تبع مرور العجوزة فحاولو برفعوا بصمة الماتور بس مفيش ولا رقم باين فى البصمة راحوا قالولى روح اسكندرية ارفع بصمة الماتور فاروحت اسكندرية لكن مهندس الفحص هناك قالى بردو نفس الكلام و معرفووش برفعوا البصمة و مرضيش يدمغ الرقم على الماتور لان مفيش ولا رقم باين رجعت مرور العجوزة تانى راح قالى ازاى يعنى مرضبش يدمغوا!! و راح كاتبلى جواب تانى للاسكندرية بيقول فيه "يرجى إعادة دمغ الماتور لعدم ظهور ارقام" فا انا كدة ان شاء الله ناوى اروح اسكندرية تانى فا لا قدر الله الحوار مامشيش و منفعش ادمغ الماتور هل من حقى ارجع العربية لصاحبها و اخود فلوسى تانى مع العلم انى صرفت على العربية اكتر من 2000 جنية ؟ و لو صاحبها مرضيش برجعها هل فى اى اجراء قانونى ممكن اخده و هايبقى القانون فى صفى و لا صفه؟ ارجوكم يا جماعة حد يفيدنى بسرعة لأنى ناوى اسافر اسكندرية يوم الاربعاء ان شاء الله. |
رد: ارجوووووكم يا جماعة حد يفيدنى "بصمة الماتور مش ظاهرة"
اية المشكلة دى بقى
ازاى ارقام الموتور مش بتعلم على الورقة بص عاوزك تغسل الموتور كويس جداااااااااااا واكيد والفنى بياخد رقم الموتور انت عرفت مكانة بعد ما تغسل الموتور كويس تيجى عند المكان الخاص برقم الموتور وبابرة او حاجة رفيعة تمشى على الارقام والهدف من كدة انك تشيل اى رواسب او اى اجزاء داخلة فى الارقام المحفورة على البلوك انا عارف انها عملية مملة ويمكن صعبة بس عشان ما ترجعش تانى المشوار وخد بالك انت مشكلتك فى الفنى اللى بياخد البصمة حاول تشرحلة المشكلة بتعتك عشان يجتهد معاك انة يجيب رقم الموتور مظبوط وربنا يوفقك بامر الله |
رد: ارجوووووكم يا جماعة حد يفيدنى "بصمة الماتور مش ظاهرة"
اقتباس:
|
رد: ارجوووووكم يا جماعة حد يفيدنى "بصمة الماتور مش ظاهرة"
اومال هى اترخصت قبل كدة ازاى اعرف من صاحبك
|
رد: ارجوووووكم يا جماعة حد يفيدنى "بصمة الماتور مش ظاهرة"
يعنى حضرتك كدة بتقول الارقام مطموسة!!!!!!!!!!!!!!
ممممممممممم خلاص ما فيش مفر هات ارقام الموتور بناء على الرخصة وروح لسمكرى ماهر يدق الارقام على البلوك بس انت متاكد ان المكان دة هو مكان ارقام الموتور ؟اصل حتى لو كان فى اصلاح وميكانيكى ضرب علية بشاكوش هايعلم مكان الشاكوش وهايتبقى اى ارقام انما مسح خالص كدة صعب اوى طب مش يمكن الفنى اللى بياخد البصمة مش عارف مكان رقم الموتور عارف انت ممكن تروح اى مرور تانى وباورنيك الفحص تخلية يرفع بصمة الموتور يمكن ربنا يدلك على فنى ماهر يعرف المكان مظبوط اهى حلول بندردش فيها لانها فعلا مشكلة |
| الساعة الآن 06:43 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017