|
بودرة التسريب
كل عام و انتم بخير بمناسبة ذكرى الثورة المجيدة.الموضوع انى كنت بلاحظ تسريب مية خفيف من عند مشترك الكوعة.الميكانيكى و السادة الاعضاء نصحونى اغير الكوليهات.المهم جبت كوليهات ام مسمار دى و الميكانيكى حل الكوعة و غيرهم بس لاحظت النهاردة الصبح برضة تشعيرة صغيرة كدة لما سالتة قالى اجيب بودرة تسريب و احطها فى الردياتير او القربة و فعلا جبتها ماركة ABRO امريكة و حطيتها فى القربة.مش عارف دة صح و لا غلط ياريت اللى مر بالتجربة دى قبلى يقولى.:pod_of_gold:
|
رد: بودرة التسريب
السلام عليكم ..
طبعا ده رأيي الشخصي .. قبل ما انصحك بالبودرة ،،، أنصحك تغير الميكانيكي حل بودرة العفريت ده الواحد ممكن يعمله وهو مسافر ، في طريق مافهوش مكان صيانه ، مضطططر ...الخ انما انا ايه اللي يجبرني اروح احط بودره وشغل اللي مشي حالك ده وانا مش مضطر ليه !!؟ طيب سؤال ؟ ،، انا حطيت البودرة وقفل التشعيره البسيطه دي وتمام التمام .... طيب بقيت البودره الزياده عن الحاجه حتروح فين ؟؟ طب ما الرديتير وخاصه العربيات القديمه فيه رواسب خلقه يعني ، ازودها انا ليه ؟ ده في رايي الصراحه مش حل ،،، الحل اني افضل ورا العيب لحد ما اعرف مصدره فعلا فين واعالجه علاج اريح دماغي منه خصوصا موضوع تسريب المايه ده لانه عمر الماتور في الموضوع ده ،،، جرب بعد مشوار اركن العربيه وافتح الكبوت على طول ، خلال دقايق بسيطه حتلاحظ الضغط والتسريب حيبان بسهوله معاك ، زي ما يطلع بقا مكان العيب اتبع المقوله "غير واستريح" ههههههه شيك على طبات المايه لو متاكله ومصديه حتبان بسهوله ،،، ما تهملش في موضوع المايه ده وربنا يسترلك طريقك ،،، لما ربنا يكرمك ان شاء الله وتعرف العيب بالظبط فين ، قبل ما تعالجه اعمل دورة تنضيف وانت رايح للميكانيكي عشان تشيل العك بتاع البودره ده ،، ده رايي وشوف اراء الاعضاء الافاضل بردو يمكن يكون ليهم رأي تاني وربنا يسهلك الحال ان شاء الله .. تحياتي ،، |
رد: بودرة التسريب
انا بيتهيالى الحل الاسهل هو لف المواسير بشريط تيفلون ولا مية طلمبة تخلية يجيب مية
|
رد: بودرة التسريب
اقتباس:
انا معاك جدا في الراي دا - بس ممكن صاحب العربية هو اللي يكون بيرغم الميكانيكي علي استخدام الحلول البديلة عشان يبينله انه بيفرله فماتلومش بس علي الميكانيكي - اكيد صاحب العربية هو اللي بيدي الفرصة للميكانيكية انها تستخدم حلول بديله ورخيصة - ال يعني بيرضي الزبون ومابيضغطش عليه من الاخر كده وفي موضوع الميه دا بالذات لانة ممكن لاقدر الله يضيعلك الماتور ككل - الماسورة لو وسعت تتغير الكوعة لو فيها عيب واتاكلت يبقي تتغير - الحلول الوسط والمسكنات دي كوارث بعيد عنا جميعا |
رد: بودرة التسريب
زاى ما قلك الاخوه الافاضل دور على السبب وعالجه افضل من المسكنات الوقتيه ولو الظروف حاليا مش مساعده امشى بالحل ده شويه لغاية ما ربنا يسهلها لكن متهملش :fun_36_1_7[1]: |
| الساعة الآن 01:55 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017