إلى مالكى سكودا من منطقة الدلتا ...
 

كنت عايز اعمل كشف على عربيتى ودورت على النت على مراكز الخدمه المعتمده ..


لئيت مركز جديد لخدمة سكودا على طريق المحله المنصوره ليخدم المنصوره ودمياط والمحله ومنطقة الدلتا



المهم روحت هناك ... هو بصراحه المكان لسه جديد وبيكملوا التشطيبات بتاعته
هو تبع شركة النصر أوتو فى المنصوره اللى واخده توكيل تويوتا ودايهاتسو

دخلت المركز ..المكان ممتاز فيه متسع كبير لخدمة اكبر عدد من السيارات فى نفس الوقت .... وفيه مهندسين الصيانه والفنيين المدربين

المهم سيبت العربيه وطلعت الكافيتريا ... هيا لسه طبعا محتاجه اكتر ..بس لسه على ما المركز يكمل ها تبئ تحفه

فيها ميزه بئى ..ان الزجاج بتاع الكافيتريا فاميه .. انت شايف الفنى تحت وهو بيشتغل فى العربيه وهو ما بيشوفكش

الانطباع بصراحه ممتاز .. يعنى اخيرا مركز خدمه محترم من غير ماروح القاهره... قطع غيار اصليه وكار كير كامل وكمان قسم للسمكره والدهان

ربنا يوفقهم ويقدموا الخدمه اللى بنتمناها منهم لمنطقة الدلتا

ودى صفحتهم ع الفيس ............ http://www.facebook.com/pages/Al-Nas...460403?sk=wall

رد: إلى مالكى سكودا من منطقة الدلتا ...
 

الف مبروك الى كل اهل الدلتا
اللهم اجعله مركز يراعى الله والعباد فى عمله

رد: إلى مالكى سكودا من منطقة الدلتا ...
 

هو فين المركز
ممكن عنوانه بالضبط

رد: إلى مالكى سكودا من منطقة الدلتا ...
 

:GROWIN~12::GROWIN~12::GR OWIN~12:

رد: إلى مالكى سكودا من منطقة الدلتا ...
 

اسف للتأخير فى الرد _ ظروف العمل _:sycho26:

مكانه على الطريق السريع المنصوره المحله

عند بلد اسمها ميت الكرما

اسمه مركز خدمة اوكتافيا النصر أوتو