بحس العربيه حتتفك من بعضها لما بعدي علي عيون القطط.كده عفشه تعبانه!!
 

السلام عليكم
السؤال باختصار
سيارتي ليجانزا 2002
لما بعدي علي مطبات عيون القطط العربيه بتهبد جامد
او بسمع صوت الهبد جامد...
انا مش بحس للدرجه بس برده بسمع صوت الهبده بحس ان العربيه حتتفك من بعضها

لكن لما بركب عربية زميلي تويوتا برادو prado
بعدي علي نفس المطبات بحس ان انا معزول عن العالم الخارجي
لاصوت هوا ولا هبده ولا اي شئ

علما اني عندي الكاوتش جديد
ولما جيت اربط العفشجي قاللي ان عضلات العربيه كويسه


يا تري ده عادي ولا عفشتي فيها حاجه

رد: بحس العربيه حتتفك من بعضها لما بعدي علي عيون القطط.كده عفشه تعبانه!!
 

كان المفروض تقول للعفشجى يراجع و يكشف مش مجرد يربط

رد: بحس العربيه حتتفك من بعضها لما بعدي علي عيون القطط.كده عفشه تعبانه!!
 

أرفع العربيه فى بنزينه وراجع على كل رباطات العفشه بدقه

فلو لم يتبين وجود خلل فى جلب المقصات وخلافه

فلتعلم أن سبب الدبدبه والرجرجه التى تستشعرها عند المرور على عيون القطط

يرجع إلى عوامل كثيره منها

1- زيادة مرونة المساعدين

2- وجود بوش نتيجة العمر الأفتراضى للمقصات

على فكره

ممكن يكون الكاوتش الجديد ناشف شويه

أو

تكون نافخ الكاوتش على ضغط عالى بعض الشىء

رد: بحس العربيه حتتفك من بعضها لما بعدي علي عيون القطط.كده عفشه تعبانه!!
 

انا فعلا بنفخ الكاوتش بنفسي بالويم كده
وانا مربطتش بقالي 4 شهور


كمان ازاي اختبر المساعدين

رد: بحس العربيه حتتفك من بعضها لما بعدي علي عيون القطط.كده عفشه تعبانه!!
 

بالضغط أعلى كل مساعد

وملاحظة قوة تحمله لضغطة يدك

وهنا يلزمك المقارنه بسيارة زميلك ( على سبيل الأسترشاد )