1000 سى سى 3 سلندر 130 كيلو فى 35 لتر ازاااى!!!!!!!!
المشكلة ببساطة العربية بتاكل بنزين بغباااااء اكنى راكب عربية v8 مثلاMAD
بوجيهات وفلاتر وسيور غيرتها ولسة الاستهلاك هو هو نظفت الكاربيراتير عشان كان بيطلع دخنة سوداء ونظف بنسبة حوالى 80 فى المية وبرضو الاستهلاك هو هو:thnkr: كشفت على الكاربيراتير فى مركز الصفا ..... قالى 120 مصنعية غير قطع الغيار ومارضيش يقولى اية اللى بايظ فية فقولت استنى اسئل الاستيراد بكام ولو سعرة قريب اجيب واحد احسن وبالمرة اجرب الكاربيراتير بعد مااتنضف يمكن يتظبط موضوع البنزين دة :brn: السؤال هنا انا عارف ان الكاربيراتير عايز يتصلح اة ..... بس هو الكربيراتير ممكن يزود استهلاك البنزين بالطريقة الفظيعة دى ؟!!!! يعنى العربية دى معدل استهلاكها للبنزين فى الكتالوج 250-300 كيلو فى الصفيحة .... اما الكاربيراتير يبوظ يخلى معدل الاستهلاك يوصل ل 60 -70 كيلو فى الصفيحة ؟؟؟؟ مش over شوية الكلام دة ؟؟!!! انا قولت ممكن يكون خرطوم مقطوع او فى تسريب فى دورة البنزين بس بصيت تحت العربية مافيش اى حاجة بتنقط ولا مقطوعة !!!! حد يدلنى اعمل اية بالله عليكو عشان الموضوع دة حيجننى اة صحيح العربية سويفت 1000 سى سى 3 سلندر حالة الموتور 75 فى المية |
رد: 1000 سى سى 3 سلندر 130 كيلو فى 35 لتر ازاااى!!!!!!!!
?????!!!!!!
|
رد: 1000 سى سى 3 سلندر 130 كيلو فى 35 لتر ازاااى!!!!!!!!
طبعا دى ارقام غريبة جدا
حاول تعيد الحساب تانى ممكن يكون عندك غلطة اطلع مشوار على طريق مفتوح و السرعة لا تزيد عن 90 و شوف ... HPPYBUS الكاربيراتير البايظ لو بيدخل بنزين زيادة تبقى النتيجة دخان أسود من الشكمان و هباب على البوجيهات كنت هافترض أن الموتور حالته سيئة لكن حضرتك ذكرت أنه 75 % يبقى تجربة كمان مش هاتضر بس فى ظل أزمة البنزين دى .. مشكلتك سخيفة جدا ربنا يعينك على حلها ‘ |
رد: 1000 سى سى 3 سلندر 130 كيلو فى 35 لتر ازاااى!!!!!!!!
فيه مشكلة حصلت معايا قبل كدة و اكتشفتها بعد فترة
كان فيه تنقيط خفيف من خرطوم البنزين الى داخل على الكاربراتير .... البنزين كان بينزل على الموتور من فوق ... و كان بيتبخر على طول ... و الميكانيكى اكتشف الموضوع ده حضرتك راجع على الوصلات و التسريب |
رد: 1000 سى سى 3 سلندر 130 كيلو فى 35 لتر ازاااى!!!!!!!!
اقتباس:
وبخصوص الموتور لو حالتة سيئة بيزود الاستهلاك بالطريقة دى ؟؟؟ |
الساعة الآن 09:52 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017