مصر موتورز مجتمع السيارات - افك الكاربيراتير ولا اشترى منظف ؟؟؟

مصر موتورز مجتمع السيارات (https://www.masrmotors.com/vb/index.php)

- ميكانيكا السيارة (https://www.masrmotors.com/vb/forumdisplay.php?f=148)

- - افك الكاربيراتير ولا اشترى منظف ؟؟؟ (https://www.masrmotors.com/vb/showthread.php?t=77164)

افك الكاربيراتير ولا اشترى منظف ؟؟؟

السلام عليكم ورحمة الله وبركاتة
العربية عندى بتاكل بنزين جامد وبتطلع دخنة سوداء
دلوقتى العيب من الكاربيراتير طبعا بس المشكلة انى خايف اخلى الميكانيكى يفكة وينضفة عشان فى ناس قالتلى انو احتمال كبير يتبرجل ومايرجعش زى الاول وتدخل فى قصة شراءواحد جديد ياترى الكلام دة صح ؟؟؟؟
ولو صح اجيب منظف الكاربيراتير دة وخلاص ولا دة اشتغالة ومش هيفرق كتير ؟؟؟

رد: افك الكاربيراتير ولا اشترى منظف ؟؟؟

السلام عليكم
فك الكربرتير سهل ولا ياخذ وقت في غسيله عند المكانيكي
وهو هيعمل حاجتين
1-يغسل الكربراتير بالبنزيم والفرشه
2-هيشوف البك وهيغيره برقم اصغر
3-هيغير الجوان
وكل ده هيكلفك 60 جنيه بس هيخلي العربيه تفرفيش وبالتوفيق:01FDAB~189:

رد: افك الكاربيراتير ولا اشترى منظف ؟؟؟

اقتباس:

المشاركة الأصلية كتبت بواسطة مؤمن سلامه (المشاركة 596260)

2-هيشوف البك وهيغيره برقم اصغر
:01FDAB~189:

الف شكر اولا على الرد

ثانيا: لية يغيرو برقم اصغر ؟؟؟!!! ماينفعش يجيب واحد جديد بس نفس الرقم !!
وحضرتك بالنسبة لكلام بعض الناس اللى بتقول طالما الكاربيراتير اتفك عمرة مابيرجع تانى زى ماكان وبيبرجل العربية وبتبقى شغلانة طين
الكلام دة صحيح ولا اشاعات ؟؟

رد: افك الكاربيراتير ولا اشترى منظف ؟؟؟

أنا عاوز اجيب منظف كاربرتير واحطه للنظافة والوقاية من تراكم وانسداد الكاربراتير
بقول للميكانيكى
قالى يبقى انت عاوز تبوظ الدنيا
كل الوساخه اللى فى التنك هتروح على الكاربراتير

ياترى الكلام ده صح ولا فتاوى ؟؟

رد: افك الكاربيراتير ولا اشترى منظف ؟؟؟

اخى الكريم المشكلة عند حضرتك مش مشكلة تنظيف كربارتير اصلا
مشكلتك هى شحنة غزيرة بتدخل غرفة الاحتراق
ممكن يكون نسبة البنزين كبيرة او نسبة الهواء كبيرة
وفى الحالتين بيترمى دفعة غنية اكثر من اللزوم فى غرفة الاحتراق وبالتالى الشرارة مش بتقدر تشغل الكمبية كلها فبيرسب كربون على سطح البستون وبيهبب البوجيهات
الحل من وجهه نظرى ميكانيكى يظبط مسمار البنزين ومسمار الهوا ولو عندك مسمار خلاط يظبطة هتلاقى الدنيا بقت احسن
مهم جدااااااااااااااا ان والميكانيكى بيظبط مسمار الهواء ان المكنة تحس بية اوى يعنى لو قفلة على الاخر الموتور يبطل ولو فتحة اوى الموتور صوتة يعلى
لية انا بطلب منك كدة
عشان نتاكد تماما ان المكنة مش بتاخد هواء من حتة تانية زى مثلا خرطوم السيرفو او تلف جوان الكربراتير
بالتوفيق