مصر موتورز مجتمع السيارات - اسعار حجات لسة مغيرها في صني 2006

(بسم الله)
السلام عليكم أخوتي و احبابي
اردت ان أتشارك معكم في بعض الأسعار
التي اشتريت بها بعض قطع الغيار التقليدية
بالنسبة للسيارة النيسان صني
اولا الحجات دي اشتريتها من شارع أحمد زكي في المعادي
وهو عامل ذي التوفيقية بس علي اصغر شوية لكن الحاجة هناك
تمام جدا بس التيل للأسف غلطت و جبته من حلوان و طلع أي كلام
عشان مطولش عليكم
1- قواعد الماتور اللي بتبقي علي القنطرة - الأمامي + الخلفي = 195ج
2- طقم تيل فرامل أمامي - بس طلع تعبان هو من حلوان جنبي للأسف = 130ج
3- طقم كارتيرات اللي بتبقي فوق العجل الأمامي = 75ج
4- طقم دواسات حوض جلد للأرضية = 60ج
5- طقم طاسات العجلة كوري نيسان = 120 - بس عندي الجنط سرته كانت برزة شوية فركبت طقم كوري بردة مقاس 15 بس شكل الاسبور شوية = 100ج
6- سألت علي كشفات الضباب اللي بتبقي في الإكصدام الأمامي =140ج هيجو الأسبوع القادم ان شاء الله

لو افتكرت حاجة تاني هقولكم و ياريت لو حد من الاخوة يدلني علي نوع تيل كويس لأني اللي جبته من حلوان عامل قلبان في العربية - هي مشية كويس و الفرملة زي الفل لكن مع الفرمة اللي علي الهادي بيبقي فيه فرح عديلة في العجلة من طبل و زمامير ههههههه - بيبقي فيه صوت احتكاك مع صوت صفير التيل و لما روحت للميكانيكي اللي ركبهولي قالي دا نوع وحش و فركه في التراب علي الأسفلت وركبه
و الدنيا بقت تمام لمدة يومين و قالي هترجع تاني و رجعت فعلا ً
فياريت الأخوة يدلوني علي نوع كويس عشان أغيره بيه ان شاء الله
اسف علي الإطالة لكن حبيت انقل الخبرة المتواضعة بتاعة شراء الحاجة النهردة عشان الغلابة اللي زي يستفيدوا لاني خايب قوي في الشراء و دمتم في رعاية الله و حفظة