|
بخصوص اسخراج رخصه خاصه
السلام عليكم و رحمه الله و بركاته
أنا الآن الحمد لله قيادتى كويسه للسيارات بشهاده المدربين انا فى الصف الثالث الثانوى و لكن أنا لسالى حوالى 6 او 7 شهور علشان ابقى 18 سنه ... سمعت من بعض الناس ان ممكن اطلع رخصه دلوقتى و عادى ... و ناس تانيه بتقول لازم واسطه او رشوه و هتلاقى الموضوع سهل و مفهوش حاجه ... يا ترى الكلام ده ايه .. و هل هناك حل علشان اعرف اطلع رخصه اليومين دول حتى لو مؤقته لحد اما اوصل 18 سنه ؟؟؟ ارجو الرد و الافاده من الى يعرفوا معلومات فعلا عن الموضوع ده و جزاكم الله خيرا |
رد: بخصوص اسخراج رخصه خاصه
مينفعش دلوقتى خالص لازم 18 سنه انت عارف انا كنت زيك كده وكنا جبنا العربية وكان فاضل حوالى 4 شهور على ما اجيب ال 18 سنه طبعا عدو كانهم اربيعين سنه وحتى اول ما جبت ال 18 كان فى وقفة العيد الصغير اللى فات وكان بكرة العيد ههههههههههه قعدت مستحمل اسبوع العيد ده بالعافية لغاية ما عادى الايبوع من هنا رحت انا ناطط لهم بالعربية من هنا وطلعت الرخصه وربنا معاك بقى لغاية ما تتم ال 18 بص نصيحه منى لو عندكوا العربية خلى والدك يسيبهالك وتسوقها جنب البيت فى خلال الكام شهر دول هتبقى بريمو وصدقنى سيبك من كلام المدربين والبتاع الرك كله على التدريب انت عارف انا اول ما سوقت كنت بمشى على الاول ودايس نص دوسة دبرياج وسايب بنزين اصلا وكنت بقول يااااه مال العربية سريعه كده ليه هههههههههههههه دلوقتى فى نفس الشارع اللى كنت بعمل فيه كده بقيت بجيب الرابع واقول ماكنش ينفع تبقى العربية اسرع شويه هههههههه ياااااااااه كانت ايام :lvly::lvly::lvly: سوده هههههههههههههههههه ولعلمك انا اول ما تعلمت اتعلمت فى الشوارع الضيقة او بمعنى اخر الحوارى وبمعنى اخر شوارع وحوارى دار السلام وما ادراك دار السلام وبعد كده طلعت على الكورنيش وبعد كده على الادئرى وربنا يستر طريقك وطريقى |
رد: بخصوص اسخراج رخصه خاصه
لازم تتم سن ال 18 سنة وبلاش تدفع رشوة احنا مش عايزين نرجع للعصر ده تاني اتمرن كويس واعمل اقماع علي شكل حرف S وعلي شكل مربع مكسور منه ضلع وان شاء الله هتنجح من غير اي رشاوي
|
رد: بخصوص اسخراج رخصه خاصه
ربنا يصبرك بس بكرة تزهق من السواقة واللى بيسوقوا
|
رد: بخصوص اسخراج رخصه خاصه
ما تسمعش الكلام دا
يا ما سمعناه و احنا صغيرين وما بيحصلش و اللي يقول عنده او كان عنده رخصه مؤقته قوله انت كداب |
| الساعة الآن 02:47 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017