مصر موتورز مجتمع السيارات - شباب حد سمع عن الشاشة ال DVD للسيارة ام 80 جنية فى التوفيقية

السلام عليكم ورحمة الله وبركاته
النهارده كنت عند الكهربائى بتاعى
علشان كنا بنركب كتاوت ان اول ما اقفل الانذار العربيه تفصل كهربا مع الانذار ومتشتغلش كهربة العربيه تانى غير لما تفتح الانذار من الريموت تانى
المهم بسأله بكام الDVD (انا قصدى على DVD على الشاشة اللى فيها مكان فلاشة و كرت ميمورى بس) اليومين دول
لقيته بيقولى ب 80 جنية
قلتله ايه احنا هنهزر قالى والله ب 80 جنية
قالى فاكر ال 128 اللى كونت بتفرج فيها على فيلم وكانت الشاشة على الطبلوه قلتله اه انا كذا مرة اشوف الشاشة وبصراحه عجبانى اوى قالى هى ديه بقى ام 80 جنية بس تنزل تشتريها من التوفيقية
علشان لو نزلت واشترتها من محلات الاكسسوار هنا هيبهدلوك فى سعرها
وقالى مواصفاتها كالتالى
شاشة 7 بوصه
و بتدعم كرت الميمورى و الفلاشة
ومالهاش ريموت كنترول كل اللى فيها 4 زرارير وفيها سماعه ممكن تسمع منها او ممكن توصلها على سماعات العربيه
بس وانتهى كلامى معاه لغاية هنا لغاية ما انزل وادور على الشاشة ديه فى التوفيقية

ممكن بكرا ان شاء الله عز وجل او فى القريب العاجل ان شاء الله
ولو حد عنده فكره عنها يدخل ويقولى ياريت
لانى مش مصدق السعر لغاية دلوقت

و
السلام عليكم ورحمة الله وبركاته

:THE_PR~18::THE_PR~18::TH E_PR~18: