دعوة عامة للجميع00 تجربتى مع سيارة
 

دعوة عامه 00تجربتى مع سيارة
-----------------
كل واحد منا له تجربه مميزة مع سيارة قد لا يراها هكذا ل
لكن يراها الاخرون بمنظور آخر وقد يخرجوا منها بمعلومه مفيده او ابتسامه من موقف طريف او حكمه يتعلمها!
فلما نحرم انفسنا من متعه حكايه تجربه استمتعنا بها او استفدنا منها
فمنا من سيحكى عن طريفه او موقف ومنا من سيحكى عن مميزات وعيوب سياره أستعملها من وجهة نظره
وأعتقد ان الجميع سيستفيد وفى انتظار مشاركاتكم

رد: دعوة عامة للجميع00 تجربتى مع سيارة
 

الخبرة أساسها التجربه

رد: دعوة عامة للجميع00 تجربتى مع سيارة
 

*كانت سيارتى الاولى سوزوكى سويفت موديل 1995 وكانت سعادتى بها لا توصف الى ان حدث موقفين فى يومين متتالين لم يكن للسياره ذنب فيهما لكنى بدأت أشعر بعدها بأنى لم أعد أحبها بعد فترة اعجاب دامت لمده ست أشهر لم أجد منها ما يعكر صفوى وما لا يستوقفنى لاصلاح 00 الاول كنت مسافرا وبعد قطع حوالى 40 كيلو او يزيد قليلا وفى وسط زحام شديد وقبل أحد الاشارات ضغطت على مكبح السياره لايقافها وعندما ضغطت على الدبرياج اذ بالدواسه تسقط ولم أجده تحت قدمى وبالطبع توقفت لكن المحرك توقف معها وعندما أدرتها مره أخرى لم أستطع نقل ناقل الحركه لان الوير انقطع والحمد لله ولان خبرتى فى الاعطال صفر فلم أفعل سوى تشغيل الانتظار00وفتح الغطاء الامامى والسيارات من تخلفى تطلق الكلاكسات بصورة مزعجه00وعندما فتحت الغطاء ووقفت انظر تائها تبرع أحدهم وجاء كعادة الشعب المصرى الجميل يستفهم عما يحدث وعندما اخبرته 00ضحك وقال بسيطه 00اعطى السياره الغيار الاول قبل تشغيلها ثم ادارتها والتحرك لنقلها لاقرب ورشه او ركنها وشراء وير جديد واحضار أحدهم لتركيبه00
ولم اعرف ماذا أفعل وقلت له ان يركنها لى لو سمح 00
وبمنتهى البساطه ركنها الرجل وشكرته وبدأت فى رحله البحث عن هذا الوير اللعين ولانى خارج مدينتى فقد ورمت قدماى حتى عثرت على محل يبيع قطع غيارها وعندما اشتريته ظللت ابحث عن ورشه لاخذ أحدهم بعد السؤال واللف والدوران فى شوارع لا أعرفها 00وذهب معى الرجل وظل نصف ساعه فى تركيب الوير وكأنه يستكشف ثم تمت العمليه بنجاح ولهف عشرين جنيه بخلاف عشرة جنيه تاكسات لاخذه وترجيعه للورشه
وسرت بالسياره وكان الدبرياج غير مضبوط تحت قدمى ولا أشعر بالراحه حتى ان عضلاتى انتفخت وكأنى فى حرب معه
كنا يوم وقفه العيد الاضحى وانا اريد السياره بشده فى هذه المناسبه فتوجهت للميكانيكى الخاص بى ليعيد تركيبه من جديد ويضبطه
والحمد لله سارت بشكل جيد لكنه أخبرنى بان الوير غير اصلى وناشف وممكن يقصف فى أى وقت
وفى اليوم التالى حدث ما لا يحمد عقباه
وللقصه بقيه

رد: دعوة عامة للجميع00 تجربتى مع سيارة
 

حصل معايا نفس الموقف فى هيونداى اكسنت اللى فى مصر اسمها فيرنا بس مش السلك هو اللى انقطع

فى طلمبة زيت صغيرة بتاع الدبرياج هى اللى باظت وزى حضرتك بالظبط رميتها فى الشارع وبعدين واحد صديقى جالى واتسحبت للورشة واتغييرت وبقت تمام


لكن فى موقف تانى هو فعلا اللى ضايقنى كان معايا نفس العربية وكنت بسمع وانا ماشى لما ادوس على الدبرياج صوت حكة وبدات تزيد مع الوقت وطبعا انا لى راى فى الموضوع دة

انى ما اروحش للميكانيكى الا فى الاخر

وفضلت مستنى لحد ما الموضوع كبر اوى والصوت بقى عالى خفت فقلت مبدهاش اطلع على الميكانيكى

وانا فى الطريق لة مبقتش تاخد غيارات خالص والدبرياج بقى حجر اجوس للاخر ومش عايزة تفصل عشان انقل

المهم وصلت للورشة بعد ما طلع عينى فى الزحمة هنا فى طرابلس وكان يومها قافلة طالعة لفلسطين والشوارع زحمة وانا طبعا لما اهدى تبطل واضطر اشغلها تانى بطريقة عجيبة (كرهت قضية فلسطين فى اليوم دة) ما علينا

المهم وصلت

الميكانيكى مصرى بس هنا الميكانيكى النص كم هو اللى بيجى يشتغل هنا لانة لو معلم واسطى بجد مش هيضطر يتغرب

بقلو اية النظام

قالى نفتح ونشوف يا بية ........ المهم فتح الكمبيو (الفتيس ) وقالى عايزين فتيس جديد

قلتلة لية الفتيس مــــــــــــــات (افتكرت الاعلان بتاع العربية اللى حيلتى راحت) قالى اه مات

قلتلة طيب ما ينفعش معاه تنفس صناعى او نقل دم او حتى اتبرعلة بكليتى انا عشان يعيش ؟

قالى ممكن اسمع كلامك واعملة العملية بس هيرجع يموت (يبوظ ) تانى

قلتلة اية اللى حصل بالظبط

قالى فى الاول كان الصوت دة صوت بلية دبرياج وهنغير كمان ديسك واسطوانى ولما حضرتك سيبتها وفضلت ماشى انكسرت الماسورة اللى بيركب عاليها البلي والاسطوانة ودى لو اتلحمت هتنكسر تانى وعشان تتغير لازم الفتيس يتفك حتت ويتجمع تانى ومش هيرجع زى الاول (الاسطوات حلاقين زى ما قلتلكو)

وبدات رحلة البحث عن فتيس اخر

وللحديث بقية

رد: دعوة عامة للجميع00 تجربتى مع سيارة
 

كنا اول يوم العيد 00عيد الاضحى ومرت الساغات الاولى على خير وفى سعاده وركبت سيارتى بعد العصر وكان موضوع الدبرياج قد انضبط وسرت فى طريقى عادى الى ان فوجئت بسياره قادمق من الاتجاه الخاطىء للدخول فى الممنوع وطراااااخ
لبست فى الباب الامامى الايمن!
حمار راكب عربيه وهذا أبسط تعبير يمكن قوله
ونزلت مفزوعا لأرى خبطه الباب والرفرف الامامى
اعترانى الحزن على السيارة الفابريقه التى نال منها متهور أحمق!
نزل الاحمق من سيارته يتحسس سيارتى ويقول :
-بسيطه رده على البارد وتبقى تمام
وعلا صوتى لانه انسان مستفز 00أدار سيارته وحاول الانطلاق بها وكأن شيئا لم يحدث
قلت:
-انت رايح فين
أزاح ذراعى وهو يقول:
-اوعى يا جدع انت
لم اشعربنفسى الا وانا اناوله لكمه فهو يحاول ان يهرب حتى من دون كلمه اعتذار
وجرجرته من سيارته وانا أحاول ان آخذ حقى منه بضربه00تدخل الناس
-حصل خير 00كل سنه وانت طيب
وكل واحد بكلمه الى ان فوجئت به يهرب ولم ادركه!
مر العيد كئيبا00 وانتظرت اربع ايام حتى يفتح سمكرى لاصلاح السيارة
ولكنى ظللت ابحث عن هذه السياره -لمدة شهر متواصل- التى بدون نمر حتى وجدتها وتقدمت ببلاغ فيها وبالطبع تمت مصادرتها