سنتر السيارة الشاهين
 

السلام عليكم ورحمة الله وبركاته
* عربيتى شاهين كاملة موديل 2004 ومن حوالى شهر لقيت السنتر بيفتح لوحده ويقفل بسرعة جدا وأما سكت شميت ريحة شياط فمشيت وراها لقيتها جاية من الفيوز بتاع السنتر ومن ساعتها بيفتح بمزاجه ومش بيقفل وانا بضطر إنى أقفلها بإيدى عاوز أعرب العيب منين ؟
* تانى حاجة فى الصيف ومع الحر بلاقى الثيرموستات بتاع الرادياتير بيضرب لوحدة ومش عارف من إيه ؟
* تالت حاجة فوانيس الشبورة فصلت لوحدها ؟
رابع حاجة بقى لو حد عارف مكان أعملها فى زار يمكن تتصلح لوحدها أصل شكلها مخطية عمل هههههههه؟تحياتى

رد: سنتر السيارة الشاهين
 

اولا موضوع الشياط دة ممكن يكون من الكتاوت بتاعت السنتر ممكن يكون ضربت
او ممكن يكون فيوز ضارب والكهربائى عامله تحويلة داخلة على فيوز تانى
فانت روح للكهربائى يبصلك عليه
ثانيا الترموستات :
هو اساسا فى الصيف مع حركة العربية بيزيد فى الحرارة عن المحدود بتاعه
اما لو العربية بتسخن بسرعة وزى مانت بتقول انه بيضرب
يبقى الترموستات دى مش نوع نضيف
فالاحسن انك تروح للى بتتعامل معاه يشوفهالك ويركبلك واحد بتشتغل عند درجة حرارة 47ونص
بدل ماتشتغل عند 90
دة احسن للعربية عشان لو لقدر الله العربية سخنت منك ماتجبش وش سلندر
ثالثا فوانيس الشبورة كدة ممكن تكون الفيوز بتاعت الكشافات مهزوزة او عايزة تنضيف
اخلعها ونضفها كويس وركبها تانى
رابعا بقى
بدل ماتروح تعملها زار انت احسنلك تجيب دم فرخة يتيمة وتخمس بيه على العربية
ههههههههه
ياباشا الحسد مذكور فى القران
دة البنى ادم بيحسدوه
العربية مش حتتحسد|؟؟؟؟

رد: سنتر السيارة الشاهين
 

فعلا لازم متخصص ظبط الأبواب والسنتر يبص على العربية
الكهربائى يغير الترموستات خليه 90-80 ده شغال عندى كويس وبلاش الـ90-92 خالص وأتأكد من وصلات المروحة ولو على فيوز خليه يركبلها كتاوت خارجى ومفتاح طوارئ الموضوع ده هيظبط معاك جدا وبالمرة يظبط الفوانيس ، الشاهين ماشاء الله حاجتة رخيصة زى الـ28