ضمان العربية الجاك و حقيقتة ؟؟؟
 

السلام عليكم و رحمة الله
طبعا جميع ملاك السيارة عندما يقرأون كتيب الضمان الخاص بالعربية مش بيركز بشكل عميق خصوصا إنة بيقول العربية جديدة و مفيش مشكلة ممكن تحصل تمام !!
بس من خلال تعاملى مع مركز الصيانة خلال سنة ونص أغلب العربية إذا ماكنتش كلها برة الضمان
غلبت كلام معاهم بس الواضح إن دة سياستهم يخليك تزهق و تمشى من وشهم
المهم علشان مطولش عليكم
انا عايز حد يوضحلى إية الحاجات اللى بيغطيها ضمان العربية بعد حذف الاستثنئات المكتوبة بكتيب الضمان
انا شايف إن الضمان لا يضمن شئ
عندى مشكلة بسيطة الكرسى اللى بجوار السائق واحد زميلى وزنة حوالى 90 كيلو ركب معايا و هو بيعقد الكرسى طق ببص لاقيت القطعة الفيبر اللى تحت الكرسى سايبة
المهم بصيت لاقيت قطعة بلاستيكة مكسورة قلت لما أعمل صيانة ال70الف أسال أشوفها تبع الضمان و لا إية خصوصاً إنها مشفارقة معايا فى حاجة خالص
لاقيت موظف الاستقبال بيقول دى مش تبع الضمان و بعد شد وجذب طلب منى أقابل مدير المركز و هو اللى يحدد
مدير المركز الضمان لا يغطى الفيبر و دة سوء إستخدام و بينى و بينك كتيب الضمان
قلت كتيب الضمان لم يشير من قريب أو بيعيد للفيبر
الكتيب فى حاجة إسمها الضمان الاساسى 100الف كيلو او 3 سنوات و فى حاجات إستثنائية إنتو قلتو إن ضمانها من 3شهور الى 6 شهور أو حسب المسافة المقطوعة
و الفيبر مش مذكور فى الكتيب
انا كنت عايز يعرفنى إية هو الضمان الاساسى و بيغطى إية
و الله انا طرحت الموضوع مش علشان نحكم على العربية كلنا بنستخدمها و عارفين كفائتها كويس
بس انا بطرح الموضوع علشان نحافظ على حقوقنا من الوكيل
و الضامن هو الله و ربنا ميجبش حاجة وحشة لحد
و انا طرحت الموضوع للمناقشة مع جميع الملاك للسيارة الجاك

رد: ضمان العربية الجاك و حقيقتة ؟؟؟
 

رد: ضمان العربية الجاك و حقيقتة ؟؟؟
 

إحنا إتكلمنا فى الموضوع ده بإستفاضه قبل ذلك وياريت تقرأ الرابط ده
http://www.masrmotors.com/vb/showthread.php?t=61621

عموما أنا مش حاطط أمل فى موضوع الضمان ده وبفكر أطلع من الضمان وأغير زيت وأربط عفشه هنا فى العريش بدل السفر والبهدله .
أنا معايا هنا فى العريش 4 من ملاك الجاك وكلهم خرجوا من الضمان وبيقولولى أنت محتاج الضمان فى إيه .....هتوجع دماغك على الفاضى ....أى قطع غيار فى العفشه والكهربا والموتور هتغيرها بلانسر بوما .....واحد منهم غير طرمبه البنزين (وهى موجوده أسفل الكنبه الخلفيه بالمناسبه ) بطرمبه لانسر 2008 وجابها بمبلغ 230 جنيه كورى الاصل بينما لو جابها من التوكيل تمنها أكتر من 700 جنيه ....وقالولى أى ميكانيكى أو كهربائى بيشتغل فى الانسر هيفهم فيها .....عشان كده أنا بفكر أخرج من الضمان .........مع تحياتى يااستاذ أحمد

رد: ضمان العربية الجاك و حقيقتة ؟؟؟
 

انا من وجهة نظرى نتضامن نحن ملاك الجاك و نشوف حل مع الوكيل كدة ضحك على العميل

رد: ضمان العربية الجاك و حقيقتة ؟؟؟
 

أنا كمان عملت صيانة ال 25 تحت البيت فمركز شيفورلية وغيرت فلتر زيت بفلتر زيت كيا هو هو بالظبط
على فكرة انا لو مكانك يا استاذ احمد هقولهم لا بقى دى تبع الضمان الاساسى واشبط فيهم كفاية نصب منهم ادام مش مكتوبة فالحجات الى خرجت من الضمان اشخط فيهم وعلى صوتك واتصل بالشرطة واعمل محضر(هتقولى عشان حتة فيبر؟ )
هقولك ماهو مخرجين حجات كتير من الضمان بعد فترة وانا بقى هاجى على الهايفة واتصدرلهم ادام متكتبش عنها حاجة فالحجات الى خرجت من الضمان يبقى جابوا لنفسهم
وانا لو مكانك هخش لرئيس المركز واقلة مش هتصلحها؟؟ طيب اقوم رافع سماعة الموبايل واتصل بالشرطة واعمل محضر واقرفهم فعيشتهم
توكيل غبى