غسيل الموتور بالجاز
كان ليه تحذير لما قريت موضوع الاستاذ\ كورسير
عن تغير الخرطوم بتاع البور وسير البور وسير المارش وهو عامل 40 الف وبيقول ان الخرطوم والسيور طالع عينهم ومشققين ده ياجماعه بيحصل لماالموتور بيتغسل بالجاز الجاز بينضف اه بس بيخلي جميع انواع الكوتش يشقق زي الخراطيم السيور كوتشات البطحات ومن تحت العربيه كوتشات الجكمنات وممكت جلب المقصات واي خامه كوتش وكمان يخلي بويه حوض الموتور تصفر لو العربيه لونها فاتح وده تلحظوة في اي عربيه ميكروباص لونها ابيض تلاقي الجزء تحت غطاء التنك لونه مصفر ده علشان ساعه التفويل الجاز بيخرج من الزور بتاع التنك ويجي علي البويا طيب الموتور يتغسل ازاي ولا حاجه ميه +صابون فقط بس اهم حاجه الموتور يكنش سخن لازم يكون بارد يعني بعد الايقاف حوالي 2-3 ساعلت بس وامسك الموتور( امرشه ) بالميه والصابون وافضل ادعك وكب صابون وميه لحد لما يبقي -فله -شمعه منوره وبعد كده حميه بالميه ولو في المغسله خلي العامل بالضغط العالي يعومه ومتخفش علي اي حاجه الخوف الوحيد بيبقي علي كارته الكمبيوتر وفي الفيرنا دي موجوده جوه تحت التبلوه في امان والكلام ده عن تجربه انا كل شهر بعمل الموضوع ده وصراحه الموتور تشوفه تقول زيرو وعربيتي 2008 فيريت ياجماعه بلاش الجاز نهائي حفاظا علي جميع الخراطيم والكوتش والسيور بالعربيه وشكرا |
رد: غسيل الموتور بالجاز
فعلا نصيحه في محلها
علاوه علي كده الجاز بيبقي علي زيت خفيف بيخلي حوض العربيه مليان تراب بعد كده |
رد: غسيل الموتور بالجاز
يااااااااااه اخيرا لقيت راى مؤيد ليه فى الموضوع ده
شكرا يا باشا على موضوع الجميل ده :Wkiss5: |
رد: غسيل الموتور بالجاز
اقتباس:
اصل الموتور مادام سليم مبينزلش منه زيت فالموضوع كله تراب او طينه وده محتاج مسدس ميه بضغط عالي انا عن نفسي بغسل بسفنجه كبيره ودي لما بضغط عليها بتخش بين الاماكن الضيقه الي بتقول عليها وبعدين ممكن تحط مع الميه اي مسحوق غسيل من الكيس ب50 قرش حط كيسين وده كفيل انه يعمل رغوه كتيره مع الصابون كمان ورش الميه وادعك كويس وسيب العربيه لمد نص ساعه وبعدين اغسل بضغط الميه واتفرج علي النضافه (والقطنه مبتكدبش) هههههههههههههههههه |
رد: غسيل الموتور بالجاز
اقتباس:
هو بس بعد الغسيل بالجاز بيبقي كل شي اسود فلي بيشوفه كده بيفرح بس بعد كده كل سنه وانت طيب ده غير ريحته الي ممكن تخشللك من فتحات التكيف |
الساعة الآن 10:32 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017