ترخيص سيارة فرنا 1600/2011 ونقل ملكية 650 ج
 

اخوانى فى المنتدى بعد رحلة عذاب مع المرور قررت انى اقول ليكوا على الى شفتو والى دفعتوعلشان تبقى رايح وعامل حسابك ومتغلطش نفس الغلطة
وبعد قراءة موضوع التعامل مع المرور قراءة جيدة وكان نشرة احد اعضاء المنتدى من فترة بس انا اسف مش فاكر اسمة اية بس بصراحة انا استفدت منة كتير جداجدا واشكرة على الموضوع بتاعة جداجدا وكفاية انة كسر الحاجز النفسى وطمنى وانا رايح المرور مع العلم انى كنت مرعوب مش هطول:
انا اشتريت فرنا 2011 كسر زيرو والراجل كان عاملها رخصة سنة بس
وبعد العقد المسجل الى اتكلف 1720 علشان حسبوهالى فى الشهر العقارى على انها مستوردة وموديل السنة دى بالمبلغ دة مع العلم ان الى عرفتة بعد كدة انى لو كنت جبت شهادة بيانات من المرور كان هيبقى ب1330 المهم لان الفرنا مصرى
علشان انقل ملكية العربية باسمى واغير المرور التابع لية العربية على المرور الى انا تابع لية عملت الاتى 1 _ جبت شهادة مخالفات من المرور الى العربية تابعة لية
2 _رحت بيها المرور الى انا تابع لية واشتريت ملف ونموزج فحص وصورت البطاقة الشخصية على ورقة كاملة مش هطول عليكو المراحل بس المهم :
دة بيان بالى دفعتة
235 ضربة للسنة
125 تامين اجبارى
115 طفاية
120 نمر جديدة
45 التصوير + الملف +نموزج الفحص
15 عبارعن 3فى 5 رشوة واكراميات
10 الراجل الى ركبلى النمر
يبقى الموضوع كلة 665 لو طرحنا منهم الرشوة والاكراميات يبقى 650
ونزود عليهم 10000000 بهدلة ووقفة فى الطوابير يبقى هبيع العربية قبل ماينتهى الترخيص واتمنى ان اكون مفيد لاى عضو هيرخص فرنا ولكم منى وافر الاحترام

رد: ترخيص سيارة فرنا 1600/2011 ونقل ملكية 650 ج
 

اولا الف الف مبروووك لحضرتك يا باشا على العربية الهم بارك لك فيها ويكفيك شرها وتكون قد السعد عليك

رد: ترخيص سيارة فرنا 1600/2011 ونقل ملكية 650 ج
 

مبروك وربنا يديك خيرها ويكفيك شرها

بس كان لازم الرشوة يعني

4445464445464445464445464 44546

رد: ترخيص سيارة فرنا 1600/2011 ونقل ملكية 650 ج
 

ألف مبروك يافندم وخد بالك انت لو بترخص العربيه أجره كنت اضرب المليون البهدله فى 10
حابب اوضح بس نقطه صغيره فى الفرق بين ترخيص الفيرنا ملاكى وترخيصها كأجره
فى الاجره الضريبه 33 جنيه لان الاجره باتتحس ببعدد الركاب مش بال سى سى
والتأمين 98 جنيه

رد: ترخيص سيارة فرنا 1600/2011 ونقل ملكية 650 ج
 

أنا لما جيت أسجل عربيتي اللي كنت شاريها كنت عارف موضوع شهادة المنشأ ده و عملتها

مش عايز أقلك بتوع الشهر العقاري كانوا متضايقين قد إيه إني وريتهلم وكان ناقص ياخدوها مني و يقطعوها عشان أدفع تسجيل أكتر من اللي دفعته و يحاسبوني عليها كأنها مستورده