ارجو الافاده من اهل الخبره
 

السلام عليكم ورحمه الله وبركاته.
انا مقبل على شراء سياره مستعمله بس انا بصراحه معنديش خبره فى السيارات عامه
بس محتار بين نوعين هيونداى اكسنت 1300 سي سي(( كتير نصحونى بيها )) ورينو كليو موديل 2002 1400 سي سي .
ايهما احسن فى قطع الغيار من حيث التوافر ... معمره
من حيث الكماليات والثبات على الطريق
من حيث اعاده البيع
من حيث فى حاله وجود عطل (( ميكانيكيه كتير يعرف يتعاملو ))
تكون عربيه ناعمه فى السحب
معلش انا طولت عليكم
ومتشكر جدا

رد: ارجو الافاده من اهل الخبره
 

الكليو عربية تحفة و جميلة و ثابتة جداااا...بس مفيش 2002 1400-الموديلات من 2002 الى 2004 موتور 1200 و ده موتور حلو جداا و موفر و قوى لانه 16 صباب و 2كامة....

رد: ارجو الافاده من اهل الخبره
 

الأتنين حلوين بس الهيونداي عدا عليها 10 ~ 12 سنه يعني حتتعبك اوي و مستحيل تلاقي حاله نظيفة
الرينو فرنساوي يعني معمره شويه عن الكوري بس قطع غيارها اغلي كتيييير من الهيوانداي

انا رأيي لو انت حاطت سعر 33 ~ 35 الف شوفلك فولكس بولو موديل 95 ~ 99
لو حاطت سعر 40 ~ 45 برضه فولكس بولو 2000 ~ 2001

العربيتين دول مبيفرقش معاهم الزمن اه الموتور صغير 1000 سي سي بس يحط علي علي موتور 1500 و 1600 سي سي من الكوري

ده البولو 95 ~ 99
http://upload.wikimedia.org/wikipedi...gen_Polo_1.JPG
http://upload.wikimedia.org/wikipedi...gen_Polo_2.JPG
http://autocarworld.com/wp-content/g...00-image-3.jpg

و ديه صور للبولو 2001
http://www.jovilucas.pt/ficheiros/ca...c_2001_(1).JPG
http://www.vwforum.com/forums/attach...n-img_2159.jpg
http://majorgav.files.wordpress.com/..._0751_edit.jpg
http://files.vau-max.de/images/2011/...6r-9n-alle.jpg

رد: ارجو الافاده من اهل الخبره
 

بشكر كل اللى رد على الموضوع طبعا الالمانى لا غبار عليه .... بس انا مبحبش السيارات الصغيره
انا يعنى عامل حسابى ف الاربعينات
انا بصراحه عجبانى الكليو كشكل بس ناس كتير مخوفانى منها من حاجتين:
اولاًًًًًًًًَََ:ًًان صاجها مش متين .
ثانياًً: ان نادرا ما تلاقى ميكانيكى يعرف يشتغل فيها.

رد: ارجو الافاده من اهل الخبره
 

ما دام انت عامل حسابك فى الاربيعنات خلينى اضفلك مقترحات ججديدة ممكن تناسب حضرتك
1- نوبيرا1
2- لانوس 1 او 2
3- كرستاله
4- كل المميزات اللى بتدور عليها فيهم