مصر موتورز مجتمع السيارات - فيه حد من السادة الاعضاء مأمن فى شركة قناة السويس فرع الاسكندرية؟

بنصيحة من مسئول البيع بالتوكيل فرع سان ستيفانو امنت على اللوجان فى شركة قناة السويس للتامين فرع جليم,حقيقى النسبة عندهم معقولة بالمقارنة بالشركات الاخرى.بس بجد لما تعرضت لحادث حسيت بالمعاناة معاهم....قمة فى الملل و تعطيل مصالح الناس,بداية من الخبير اللى بيعاين الخبطة لما وقت سيادته يسمح علشان العامرية مشوار عليه و طبعا التوكيل مش هيعمل اى حاجة لغاية الباشا ما يوافق على المقايسة-ودى خديت حوالى 3 ايام- بعد الاصلاح تمت المعاينة تحت الشركة فى الشارع فى طريق الحرية!!!و تسليم التوالف(اوك)و الفاتورة ...الكلام ده بقاله 6 اسابيع وكل اسبوع اسأل على الشيك يقولو اسأل الاسبوع الجاى اصله مجاش من مصر فوت علينا بكرة -مع العلم انه عند التعاقد معاهم قالوا بالكتير 3 اسابيع عمل !!!-بجد حاجة ملل...اكيد التعامل معاهم غلطة و مش هتتكرر تانى,انا بس حبيت انصح غيرى علشان ميدورش بس على ارخص قسط....الاهم الالتزام و احترام العميل و التيسير عليه