مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- 128 FIAT (https://www.masrmotors.com/vb/forumdisplay.php?f=199)

- - ملاك ال 128 (https://www.masrmotors.com/vb/showthread.php?t=72758)

ملاك ال 128

سلام عليكم يا جماعة

كنت عايز اعرف من تجاربكم

هل السيارة تستحمل السفر
هل امكانية التعديل على السيارة متاحة ولا لا
قطع الغيار اسعارها معقولة ولا لا

طبعا انا عارفهم بس طبعا الخبرة والتجربة خير برهان
وانا بسأل لانى من عشاق البايكس ومش ميال للسيارت اوى (ولكن بفكر اجيبها بسبب الموتو اتسرق من شهر 8)

شكرا مقدما

رد: ملاك ال 128

ربنا يعوض عليك

أنا أعرف إن قطع غيارها رخيصة جدا ومتوفرة
موضوع السفر ماأعرفوش لأني عمري ما سافرت ب 128 قبل كده
وركبتها قليل جدا

رد: ملاك ال 128

السلام عليكم ورحمة الله وبركاته
بص يا اخى الكريم انا معايا 128 من شهر 6 اللى فات
بالنسبة للعربيه لو عاوز تسافر وتبقى مطمن من كل النواحى
هتعمل الاتى وتسافر وانت مطمن
الكلام اللى انا هقوله ده يبقى قبلها بيوم او يومين على الاكثر
1:لازم كل الكوتش اللى متركب على العربيه يكون سليم وااستبن نفس الكلام
2:تروح للميكانيكى يغيرلك ابلاتين وكندنسر ومش هتلاقيهم غالين فى حدود 40 جنية بتركيبهم وتخليه يظبطلك كهربة العربية
3:تبقى متاكد ان البوجيهات وسلك الدبرياج سليم
4:متاكد ان انت وانت ماشى يبقى معاك على الاقل 10 فيوزات هتلاقى العشرة ب 2 جنيه
5:تذود زيت لو ناقص وتبقى متاكد ان كله تمام ونفس الكلام بالنسبة للمياه تذود الردايتير لاخر وذود القربه لغاية نهاية العصاية اللى موجوده جوه القربه
6:تبقى متاكد ان فوانيسك واشاراتك كلها تمام
7:تفول التنك يوم السفر لغاية الاخر وخالى جركن معاك حوالى 5 الى 10 ليتر احتياطى معاك

بس كده وعلى فكره الاحتياطيات ديه مش فى ال 128 بس لا ديه فى كل انواع العربيات بس انا حبيت اقولك بس كده علشان تبقى مطمن وعلى فكره ال 128 عربية جميلة وتسافر وبتجيب اكتر من ال 100 كمان بس لو انت محافظ عليها وبتصرف عليها يعنى متجيش تقول اديها على دماغها ومش عارف ايه هتهين العربيه هتهينك وعلى العموم انا عامل مصروف للعربيه بتاعتى كل شهر فى حدود 200 الى 250 جنية شهريا
والحمد لله عمرها ما عطلت معايا ولا عمرها عملت معايا حركة ندالة الحمد لله واخر حاجه متنساش تبقى تتطمن على فلتر الهواء وفلتر البنزين وتطمن ان الزيت سليم ومش مستهلك على الاخر يعنى تطمن انه لسه معملش الكيلو مترات بتاعته
وطول ما انت مسافر تخلى عينك على لمبة الزيت وعداد الحرارة وشغل قران طوال طريق السفر علشان رنا يبقى معاك وتكسب حسانات طول ما انت مسافر
ولو عاوز اى استفسار عن العربية تقدر تبعتلى رسالة على الخاص وانا باذن الله هفيدك باذن الله اخوك فى الله سيد

رد: ملاك ال 128

اقتباس:

المشاركة الأصلية كتبت بواسطة luaai (المشاركة 559678)

شكرا ليك جدا

رد: ملاك ال 128

اقتباس:

المشاركة الأصلية كتبت بواسطة sayed2077 (المشاركة 559694)

بس كده وعلى فكره الاحتياطيات ديه مش فى ال 128 بس لا ديه فى كل انواع العربيات بس انا حبيت اقولك بس كده علشان تبقى مطمن وعلى فكره ال 128 عربية جميلة وتسافر وبتجيب اكتر من ال 100 كمان بس لو انت محافظ عليها وبتصرف عليها يعنى متجيش تقول اديها على دماغها ومش عارف ايه هتهين العربيه هتهينك وعلى العموم انا عامل مصروف للعربيه بتاعتى كل شهر فى حدود 200 الى 250 جنية شهريا
والحمد لله عمرها ما عطلت معايا ولا عمرها عملت معايا حركة ندالة الحمد لله واخر حاجه متنساش تبقى تتطمن على فلتر الهواء وفلتر البنزين وتطمن ان الزيت سليم ومش مستهلك على الاخر يعنى تطمن انه لسه معملش الكيلو مترات بتاعته
وطول ما انت مسافر تخلى عينك على لمبة الزيت وعداد الحرارة وشغل قران طوال طريق السفر علشان رنا يبقى معاك وتكسب حسانات طول ما انت مسافر
ولو عاوز اى استفسار عن العربية تقدر تبعتلى رسالة على الخاص وانا باذن الله هفيدك باذن الله اخوك فى الله سيد

كلام وافى جدا وشكرا جدا جدا ليك