أنتم ليه زعلانين قوى كده من التويوتا افانزا
السلام عليكم
انا كنت بدور عن معلومات عن الافانزا بس لقيت ناس زعلانه منها قوى يعنى و يقولوا عار على التويوتا و ناس تانية مجربها و قالت ممتازة جدا و بتشكر فيها . زوجى عايز يجيب النترا اوتوماتيك و انا بقله متعمليش فيها افندى و هات عربية تنفعك هو عنده بيجو 504 و طبعا حالتها تقطع القلب كمكانيكا عايز واحد مخاوى عشان يسوقها و طبعا لأنه عشان يقومها و يضبط الحاجات التعبانه فيها محتاج الافات . المهم هو مستحملها عشان بيقول ديه تشيل نص طن بصبعها الصغير . و عالية . هو مهندس زراعى و بيطلع مشاريع فى بلبيس و حتت كثير و احيانا بيوفر ثمن النقل و بيشيل فى العربية حاجات السباكة بتاعتهم ديه و احيانا لو مشروع صغير بينقل هو العمال معاه . ده غير لما نسافر بناخد البيت كله على شبكة العربية و اصلا حماتى بتسافر معانا . و كمان عنده ارض فى المنصورية و بيحمل الليمون يومين فى الاسبوع يوديه السوق . انا بقله بدل ما تجيب النترا و ترجع تانى لتيته الحاجة البيجو . هات افانزا و تبقى تقضى مصلحة . هو مركز على انه بيشتغل فى المطار 5 ايام فى الاسبوع و المشوار من المعادى للمطار كبير و خاصة فى الزحمة فكان بيفكر فى عربية صغيرة زى الجيتس . بس لما جرب الفرنا لفترة حس انها عربية لعبة و انه قاعد على الارض و انها بسكوته خالص و مش حمل البلطجة اللى بيعملها مع البيجو . فكر فى التيجو بس قالوا له سيبك منها خالص . بصراحة انا مفيش مرة سمع فيها كلامى الا لما ندم :fun_36_1_7[1]:MAD :110105no44: و جوز صحبتى دايما بيقول اللى يسمع للستات ميفلحش .MADMAD بس بجد انا حاسة انها مناسبة ليه جدا :01F6EB~150: و عجبانى اكثر من الكيا اللى برضه بيفكر فيه . و فيه ناس هنا بتقول لوجان و انا بصراحة معرفش عنها حاجة . و حاسة ان التويوتا انسب . و لا رأيكم ايه |
رد: أنتم ليه زعلانين قوى كده من التويوتا افانزا
هو بصراحه ما ينفعش معاه غير البيجو 504 بامانه الافانزا مناسبه جدا جدااااا بس مفيش عربيه ف مصر كلها جديد او قديم تقدر تكح او تعطس قدام ال 504 بس الافانزا تنفع بس عاوزه معامله برقه مش يقلبها نقل ده رايي
|
رد: أنتم ليه زعلانين قوى كده من التويوتا افانزا
عندك حق بس انا شايف ان الانترا متنفعش خالص عشان هي مش عربية سفر و حمولة
انا لو مكانك فعلا ارشح الافانزا مع ان الافانزا بيقولوا ليست تويوتا هي فعلا مش تويوتا هيا اسمها الحقيقي بره دايهاتسو اكسنيا ياباني اندونيسي زي التريوس كده و بتتسوق في بعض الدول باسم تويوتا افانزا عشان اسم الماركة مش اكتر و الي اعرفة ان تويوتا لايمكن تحط شعارها على اي عربية الا لما تكون نضيفة دي سمعة ماركة يا ناس!!!:fun_36_3_11[1]: دي صورة الاكسنيا http://4.bp.blogspot.com/-h36XBEpZN5...nia-2008-L.jpg و دي الافانزا !! http://3.bp.blogspot.com/_BvmYHajzXO...bo/s1600/4.jpg و دي من جوا و شوفي هيا وسعة اد ايه http://1.bp.blogspot.com/_BvmYHajzXO...I/s1600/10.jpg http://4.bp.blogspot.com/_BvmYHajzXO...g/s1600/12.jpg بس ممكن برضوا تخليه يفكر في الرينو داستر هيا تقريبا بتبتدي من 120 الف و ال 4*4 ب 130 و دي صورتها http://opel-renault.tk/images/RENAUL...TER_2011_4.jpg و على فكرة هي رخيصة بالنسبة للشكل عشان هيا فيها اوبشنز بسيطة جدا زي الازاز الكهربا و التكييف و الكاسيت بس فيا ABS و شكلها احلى من الافانزا 100 مرة شكلها هجومي و ممكن تقري عنها في قسم رينو المنتدى :fun_36_3_11[1]: |
رد: أنتم ليه زعلانين قوى كده من التويوتا افانزا
هى حلوة وبرده رينو الداستر مش وحشة وافضلهم نيسان ليفينا كسيارة رائعة بكل المقايس
|
رد: أنتم ليه زعلانين قوى كده من التويوتا افانزا
النيسان ليفينا ياباني تقفيل صيني بس تقفيل نضيف زي ما سمعت
مش فانوس رمضان يعني :thnkr: اي عربية مش تقفيل مصري كويسة :10FEE3~1106: |
الساعة الآن 08:22 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017