تركيب كاست دبل للفرنا
 

كنت عايز اعرف ممكن اركب كاست دبل لعربية فرنا وهل دة هيحتاج تغير التبلوة وهل فى حد ركبة ياريت الرد واكون شاكر جدا لحسن جالى كاست دبل هدية ومش عارف اركبة فين
وشكراااااا

رد: تركيب كاست دبل للفرنا
 

ماينفعش يركب حتى لوغيرت الوش بتاع التابلوة
لانة مش مجرد وش دة فى قصص من وراة وكل حاجة ليها مكانها
انا لسة فاكك الوش انا بكلمك انا وفاكة اصلا حاليا مافييييييييش مكان تدخل ايدك

رد: تركيب كاست دبل للفرنا
 

انا شفت سواق تكس فى بورسعيد مركبة بس على الشمال تحت الدرج وشعال مية مية بس شكلة مش حلو ومخرم فى التابلوة .. مفيش مكان تانى ممكن الواحد يركبة فية ؟

رد: تركيب كاست دبل للفرنا
 

بص ياباشا لو انت مصر تركبة
حقولك على فكرة وانت وراحتك
الدرج اللى انت بتقول علية شمال مكانة مش حلو ليك خليك على اليمين لان الشمال ماينفعش
1- لو الدرج دة حتعرف تجيب واحد تانى بحيث انك لما تزهق من شكل العربية بعد تخريم مكان الكاسيت وتحب ترجع كل حاجة لاصلها يبقى ساعتها ماشى اخرم واستفاد من الجهاز القيم
2- لو الدرج مش حتعرف تجيبة ماتخرمش الدرج لكن ممكن انك تلزق الكاسيت على التابلوة"كدة كدة الشكل حيبقى مش حلو " بسيلكون او اى مادة لزق تحسها كويسة متووظش التابلوة والكهربا تاجى من عند بربريز الزجاج الامامى من فتحات التكيف الكهربائى حيتصرف حيعملك وصلة وممكن كمان يعملهالك بفيشة على شان لو حاسة حيتسرق ولا حاجة تفك الفيشة وتشيل اللاصق بس ساعتها اللاصق يبقى من نوع خاص زى معلش يعنى لزق بتاع الكوتشى فاكر زمان لسان الكوتشى اللزق دة المخربش اللى بيلزق على قماش اسود بتاع ابتدائى
3- لو مش عاوز اى من الحلول السابقة بيع الجهاز احسن :Wkiss5:لانة طول ماهو امامك حتبقى متضايق وبالفلوس هات واحد بشاشة وتاتش بس بيدخل لجوة مكان الكاسيت حتلاقية فى باب اللوق

خليك فى رقم 1 لان انت حتعرف تجيب الدرج من الحرفيين او الوكالة بسهولة او 3


نهايتة ماتخرمش خرم واحد فى العربية غير لما الدرج البديل يبقى معاك