|
محتار جدا ياريت الى يدليني
ارجو النصيحة لاني متحير جدا
امامى سيارة استرا مو 2000 حالة جيدة على 40الف وفى ناس كتير بتخوفنى من الاوبل دى ومفيش احسن منكم يدليني وهل حقيقى موتور السيارة ضعيف عليها يعني لو ماشي 130او 140 التكيف ما يشتغلش اخر حاجة معلش اهم حاجة ابص عليها ايه في العربية دية؟؟؟؟ انا شاكر جدا |
رد: محتار جدا ياريت الى يدليني
بص من خلا خبرتى بالاوبل
انا ركبت الاسترا بتاعت واحد صاحبى و جبت فيكترا موديل 99 و بعدين فيكترا موديل 2002 الفيكترا مانصحكش بيها الاسترا موديل 2000 فى منها نوعين نوع الموتور 1200 سىسى بس و نوع موتور 1600 سىسى بس اللى يقولك ضعيفه اعرف ان عربيته 1200 سىسى ال1600 ممتازه و كعربيه مليانه اوبشنز و عموما الاسترا مفيهوش مشاكل بدليل تصنيعه لغايه دلوقتى الفيكرت بسبب العيوب حتى الموديلات الجديده فيها مشاكل وقفوا انتاجها بالنسبه للكشف على العربيه طبعا قبل متركب بص على العربيه بصه كده شوف لو فى حتت فى الصاج منفخه يبقى فيها برومه و اوعى تشتريها لو فيها كده بص تحت العربيه بتنزل زيت او ميه و لا ايه و اتاكد لما تركب شغل كل الزراير و المساحات و التكيف و كله اتاكد انهم شغالين بعد كده سوق لمده بسيطه مع صاحب العربيه وشوف العربيه اخبارها ايه معاك موتور خفيف و لا لا ادائه كويس و لا لا ده اللى انت تعمله و طبعا لازم تاخد ميكانيكى كويس تثق فيها مش اى حد و هو يعملك تشيك على الباقى و متشتريش عربيه من معرفه ميكانيكى لانه ممكن يدبسك و يخليك تركب عربيه معيوبه و قدامك يعمل كشف على العربيه و يقولك دى تمام و ميه ميه المهم اشترى من النت افضل حاجه هتقولى ده غالى انا ساعات بلاقى حاجات لقطه ارخص من السوق بكتير و تحت امرك فى اى استفسار ROSE4UROSE4UROSE4UROSE4UR OSE4UROSE4UROSE4UROSE4U |
رد: محتار جدا ياريت الى يدليني
الاسترا عربية محترمة جدا جدا
1600 طبعا احس بكتير |
رد: محتار جدا ياريت الى يدليني
شكرا ياشباب على الاهتمام
بش للاسف قلت للراجل يفتح الله لان واحد صاحبي كان معاه استرا زيها والحمد لله عقدنى منها رغم انها كانت داخلة دماغى بس سعرها كان لقطة ب41 ولا دا الطبيعى بتاعها جزاكم الله كل خيير وكل عام وانتم بالصحة والعافية |
رد: محتار جدا ياريت الى يدليني
اللى هى موتورها ى1200 سىسى سعرها من 41 الى 34 الف
ال1600 سىسى من 47 الف فما فوق |
| الساعة الآن 06:06 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017