|
تويوتا أفانزا ولا نيسان ليفينا ؟؟
عايز رأيكم يا جماعة فى المقارنة بينهم الاتنين
عربية لأسرة (5 أفراد) ، والاتنين عاليين عن الأرض ، وسعرهم واحد تقريبا أفانزا 117 ألف ليفينا 118 ألف عايز رأيكم فى العربيتين عموما وكمان بالذات : أسعار قطع الغيار ، تقييم التوكيل شكرا |
رد: تويوتا أفانزا ولا نيسان ليفينا ؟؟
اولا التويوتا افانزا مش يابانى
دى اندونيسى و ساعات كانت بتنزل باسم دايهاتسو كمان عيوبها انها عاليه جدا و فى نفس الوقت كوتش رفيع و كمان العربيه نفسها رفيعه جدا جدا و بالتالى نقلا عن اصحاب السيارات عند سرعه 120 كم فى الساعه مش هتحس باى ثبات نهائى خالص و ممكن تقلب على الطريق و كمان فى شك ان العربيه وقف انتاجها لان على موقع كونتاكت مش هتلاقى منها زيرو على مجله عربيتى مش هتلاقى منها زيرو بالنسبه للنسيان ليفينا ممتازه بس اللى مش عجبنى فيها مفيهاش وحده رفع للزجاج نهائى لكن هى عربيه ممتازه و انا بتعجبنى اكتر من التويوتا على فكره عندك كمان كيا كارينز كمان هقولك على نصيحه طبعا اكيد تعرف عربيه اسمها فولكس فاجن سوران اتوقف تصديرها لمصر 2010 فى منها موديل 2012 هينزل على اخر سنه 2011 الشكل الجديد وشها زى الباسات و الجولف و التوران الجديده فتيس استبترونيك عربيه ممتازه و كمان بقت المانى تقفيل اسبانى مش ارجنتيتى العربيه نزلت التوكيل مره واحده للعرض بس و انا شوفتها سعرها قبل الثوره 106 الف بعد الثوره بيقولك 126 الف بس مش هتزيد عن كده تحياتى :Bravo: |
رد: تويوتا أفانزا ولا نيسان ليفينا ؟؟
رد رائع جزاك الله خيرا
بس بالنسبة للأفانزا أنا سألت فى توكيل تويوتا فى العباسية قاللى فى منها 2011 وهو اللى قالى على السعر بس اللى انت قلته خلتنى أصرف نظر عنها ليفينا : متهيألى وحدة رفع الزجاج دى أمرها سهل ممكن أركبها ، مش كده كده تبقى العربية مش ناقصها حاجة ؟ كيا كارينز ، كنت بفكر فيها الصراحة بس لما قارنتها بالليفينا لقيت الليفينا أحسن (موضوع كورى ويابانى وان اليابانى بتبقى أفضل ، ده رأيى يعنى) فولكس فاجن سوران ولا توران ؟؟ أصل توران موجودة ب 200 ألف على كونتاكت كارز ولو هى سوران ، ألاقى صورتها فين ؟ شكرا يا باشا على تعبك معايا |
رد: تويوتا أفانزا ولا نيسان ليفينا ؟؟
اقتباس:
بص يا باشا السوران مختلفه عن التوران انا معايا سوران 2009 اخر انتاج ليها بمصر كانت صناعه المانى تقفيل ارجنتينى او برازيلى مش فاكر الجديده المانى تقفيل اسبانى يعنى اوروبيه بالكامل دى صورها http://www.masrmotors.com/vb/attachm...5&d=1301581510 http://www.masrmotors.com/vb/attachm...6&d=1301581538 http://www.masrmotors.com/vb/attachm...7&d=1301581591 http://www.masrmotors.com/vb/attachm...8&d=1301581621 http://www.masrmotors.com/vb/attachm...9&d=1301581667 دى نزلت مصر نسخه واحده بس فى التوكيل للعرض و انا مستنى اخر عام 2011 تكون نزلت لانى ناوى اغير عربيتى السوران 2009 بموديل 2012 اه بالنسبه لليفينا مكينات الرفع للزجاج ب80 جنيه داخل التوكيل و العربيه يابانى تقفيل صينى على فكره لو مش مستعجل استنى شويه لما تنزل السوران |
رد: تويوتا أفانزا ولا نيسان ليفينا ؟؟
شوقتنى للسوران، وأدينى بقارن لغاية ما هى تنزل
طب لو هنقارن بين ال ليفينا وال لانسر انهو أفضل ؟؟ |
| الساعة الآن 09:13 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017