مصر موتورز مجتمع السيارات

اقتباس:

المشاركة الأصلية كتبت بواسطة عبرة (المشاركة 509811)

السلام عليكم
:thinkW19:
ممكن اعرف الأفضل
بولو 1998 ام 2001
ممكن اعرف الفروق والمزايا والعيوب
اشكركم :010104~171:

انا معايا 2001 اقدر اقولك على مميزاتها وعيوبها
مميزاتها
1- المانى تقفيل اسبانى بالتالى عربية اوروبى 100%
2- منتشرة وسمعتها افضل بكتيير من الموديلات الى قبلها فى الشكل الخارجى والامكانيات
3- قطع غيارمعمرة مش غالية بالمقارنة مع اليا بانى او العربيات الاوروبى بشكل عام
4- قطع الغيار المستوردة مغطية كل جزء فيها مهما تتخيلة
5- استهلاكها البنزين 90 أو 92 ممتاز افضل من البنزين 80 فى الفيات 128
6- افضل فى الشكل من البولو العيون 2003 و 2004 و 2005 او الموديلات السابقة
7- صيانتها مش معقدة وفى مراكز وميكانيكية بيعرفوا فيها كويس جدا وسهل تحل اى مشكلة فيها
8- الصالون حديث التابلوة شكلة جميل وكمان ركوبة محترمة جدا فى الزحمة او على الطريق السريع ثابتة جدا
العيوب
1- المكونات الداخلية ضعيفة بالمقارنة بالموديلات الى قبل والى بعد
2- الموتور 1000 سىسى 55 حصان الى نزلت بية فى مصر ضعيف وخصوصا وانت مشغل التكييف العزم والتسارع بيقل ومش بتاع قرص لانة ممكن يتهالك ويخف منك بسرعة لو قرصت علية كتير فى ناس كتيير شفتهم مسقط موتور 1400 65 أو 75 حصان بسى مش الكل بيظبط
3- الشنطة ضيقة شوية علشان هاتش باك وكمان الكنبة الى ورا ضيقة
4- التكييف الى حد ما مش قوى وده عيب فى معظم العربيات الاوروبى لانة مش مناسب للجو الحر فى الصيف بتاعنا
5- فى عيب ان كوع الى نازل من فرن الشكمان يعتبر واطى واى خبطة فى العربية من تحت بتسمع فية وبنأثر على الفرن وانا شخصيا مغير الفرن مرتين بسبب الموضوع دة