مقاس اطارات لانوس ارجو الافادة
 

السلام عليكم اخواني في المنتدي
هاقول لكم علي مشكلتي وارجو منكم الرد المشكلة تتلخص في ان عربيتي اللانوس باسافر بيها كتير لاماكن بيكون فيها مطبات عالية بالاضافة لان العربية بتكون محملة مما يجعلها واطية جدا ومينفعش معاها تفادي الاحتكاك بالمطبات
سؤالي هو هل ممكن تغيير مقاس الاطار والجنوط بمقاس اكبر يعلي العربية عن الارض شوية ولو ينفع كدة ممكن يعلي العربية ارتفاع اد اية ومقاس الاطار والجنوط الجديد هايكون كام واذا ماتنفعش الطريقة دي فهل الحل الوحيد هايكون اني اعلي العربية بعلايات ؟مع ما قراته في منتداكم الجميل من عيوب ومشاكل بتظهر من تعلية العربية بعلايات من عدم اتزان وتاثير سلبي علي العفشة

رد: مقاس اطارات لانوس ارجو الافادة
 

للاسف اى محاولة لتغير المواصفات حيبقى فيها عيب
بس انت لو سرعاتك مش عالية و مش بتاع مناورات و غرز العلايات حتبقى حل ارحم من الخبط و الاحتكاك فى المطبات
لكن تكبير قطر العجل حل وارد بس عيوبه
اتاكد ان العجل مش حيلمس حاجة فى نهاية وضع الحود للاتجاهين
عداد السرعة و المسافة حيدوا قرائة غلط
اكيد اتزان العربية حيتأثر و برضه العفشة حتتاثر مع الزمن و ممكن لأ الله اعلم

رد: مقاس اطارات لانوس ارجو الافادة
 

المقاسات الاوريجنال للانوس :
175/70/13
185/60/14

الاول هوة اللي بتنزل بيه اللانوس من بدايه انتاجها حتي الان

و الثاني هوة مقاس اختياري و مكتوب في الكتالوج و لكن يستلزم معه تغيير الجنط الي جنط مقاس 14 و لكن هوة بيوطي العربيه 1 سم ....و بيعرض الكاوتش 1 سم ...و بيكبر القطر 1 بوصه .....ميزة المقاس الثاني انه بيعطي ثبات اكبر في المناورات و علي السرعات العاليه .
مع تحياتي للجميع
عمرو ابراهيم

رد: مقاس اطارات لانوس ارجو الافادة
 

:fun_36_3_16[1]::fun_36_3_16[1]::fun_36_3_16[1]::fun_36_3_16[1]:

رد: مقاس اطارات لانوس ارجو الافادة
 

حتي بالنسبة للمقاسين المذكورين هما الاتنين متساوين تقريبا في القطر الخارجي يعني العربية مش حتعلي و لا حتوطي بالتغيير ما بينهم