استفسار عن فرملة العجل الخلفى للسيارة
 

انا غيرت سيرفو وماستر عمومى وزيت فرامل وتيل امامى
انا ارجو من السادة الخبراء فى هذا المنتدى او السادة الزملاء ممن لهم تجربة فى الموضوع التالى ان يرد عليا بالاجابة ولكم جميعاً جزيل الشكر مقدماً
الموضوع :- الفرامل الخلفية لا تعمل تقريبا والله اعلم
عرفت منيين :- وقفت واحد صاحبى على طريق فاضى فى عز الشمس ومشيت بتاع كيلو كدة وعدييت من امامة وضربت فرامل
النتيجة ان الفردتين الاماميتين هما اللى بيقفشوا بس اللى ورا لا وكانت سرعتى تقريبا مابين 80 و95 كيلو بالساعة (وجربت الحركة دية على سرعات اقل بس النتيجة هى هى )
السبب فى السؤال :- انا غيرت سيرفو وماستر اصلى وتيل تركى للفرد الامامية والميكانيكى عملى رجلاش للفرد الخلفية وقلى ان التيل الخلفى تمام
ملاحظة :- فرامل ليد تعمل بكفائة وعلى السرعات كمان
انا شرحت مشكلتى وارجو ممن لديهم الرد الاجابة عنه
وكل عام وانت بخير وعيد مبارك على الجميع باذن الله
صفوت صلاح

رد: استفسار عن فرملة العجل الخلفى للسيارة
 

لازم الطنابير تتفك و يتشاف فاعلية المساتر الخلفية لان فرامل اليد شغالة بالواير لكن الرجل شغالة بالزيت

رد: استفسار عن فرملة العجل الخلفى للسيارة
 

هو مش مطلوب من الفرامل الخلفيه انها تقفش خالص لان الخلفى لو قفش العربيه هاتعوم منك و انت على سرعه عاليه الفرامل الخلفيه فى اى عربيه بتكون اضعف من الامامى و توزيع قوه الفرامل بين الامامى و الخلفى ليها فنياات كتير منها وزن السياره و مقاسات الكاوتش .... الخ و بالعكس يا صديقى لو الفرامل الخلفيه قفشت زى الامامى تعرف ان فيها حاجه مش صحيحه و عموما ممكن ترفع السياره من الخلف و تنزل فرامل اليد و تدوس فرامل و تلف العجل الخلفى باليد و تشوف هىى شغاله ولا لا او اذهب ميكانيكى و هو يقولك الفرامل عندك كويسه ولا لأ .

رد: استفسار عن فرملة العجل الخلفى للسيارة
 

عشرة علي عشرة الكلام الي فوق ده الله يكرمك يا باشا

رد: استفسار عن فرملة العجل الخلفى للسيارة
 

انا سئلت عن هذا الموضوع لسبب بسيط انا كان عندى شاهين 1300 وكانت الفرامل الللى فيها كاتالى
اول ما ادوس فرامل الفردتين الامامى يفرملوا تمام وبعديها بكام متر من الفرملة ، - الفردتين اللى وراء يقفشوا هما كمان ويبقى كدى الاربع عجلات كلبشوا فى الارض مش اثنين فقط وعشان كدة انا بسئل واتمنى الرد بخصوص قصة الشاهين اللى لسة حكيها
وكتر الف خير الزملاء على تفسيرهم الفنى المتخصص ربنا يبارك فيكم