تحويل الاكسارا 2 من مانوال إ اتوماتيك
 

السلام عليكم ورحمه الله وبركاته

كان عندى بخصوص الفيتس ف الاكسارا 2 موديل 2002
هل ينفع انى احوله من مانوال إلى اتوماتيك
ولو ينفع عند مين بالظبط ياريت العنوان
وياريت كمان التكاليف ف حاله طبعا انى مش عايز الفيتس المانوال هيتباع يعنى


شكرا مقدما

رد: تحويل الاكسارا 2 من مانوال إ اتوماتيك
 

ينفع فى حاله توافر القطع الازمة ...

وعلشان تغير العربية الى اتوماتيك هتحتاج الاتى :

- فتيس اتوماتيك استيراد

- ريدياتير للاتوماتيك

- كونسوله وعصايه فتيس بوصلاتها ..

- تغيير عدادات (لو فى فرق بينها وبين عدادات الاتوماتيك) ..

- بدال فرامل عريض ..

الموضوع هيتكلف كتير للاسف ..

يعنى مصنعيه حوالى 300 جنيه .. ده غير اسعار القطع اللى هتشتريها + شويه مصاريف متنوعة ..

انا شايف ان الموضوع ممكن يدخل فى 3000 جنية وممكن اكتر ...


يا رب اكون قدرت افيدك ...

رد: تحويل الاكسارا 2 من مانوال إ اتوماتيك
 

يا راجل حرام عليك انا كان معايا واحدة اتوماتيك والناس بتحولها لملنيوال وانت بتقول العكس ده انا كنت هموت والاقي واحد مانيوال وبعدين طب متبيعها واشتري واحدة اتو احسنلك واوفرلك في نفس الوقت لان الفتيس الاتو لوحده من غير اي حاجة تانية بيعمل 5000 ج استيراد والريدياتير الاوتو 1000 وعدادات اوتو 600 وكونسولة اوتو 750 بالعصاية والبدال بتاع الفرامل هيعمل في حدود 200 ومصنعية في حدود 300-400 ج يعني الموضوع هيدخل في 8000 ج واكيد هتواجه مشاكل مستقبلية فنصيحتي ليك بيعها واشتري واحدة اوتو افضل بكتييييييييييير ولكني مبحبش مشاكل الاوتو الفرنسي لانها مكلفة جدا واعطاله اكثر بكتير من المانيول واي استفسار اخر انا تحت امرك .
تحياتي لك

رد: تحويل الاكسارا 2 من مانوال إ اتوماتيك
 

طب ماتقولنا ايه اهم عيوب و المشاكل الى ظهرت عندك فى الفتيس الاوتوماتيك علشان انا كنت بدور على اكسارا 2 اوتوماتيك
و ايه قطع الغيار الى غيرتها فى الفتيس و بكام؟

رد: تحويل الاكسارا 2 من مانوال إ اتوماتيك
 

شكرا أستاذ حسام بس هو الحاجات اللى هتتبدل زى الفيتس العادى مش ممكن أبيعها ..؟؟
والله يا أستاذ أحمد انا مش سواق محترف فالأتوماتيك بيريحنى أكتر بس هو فرق ف السعر بين العربتين يعنى لو بعت المانوال وجبت اتوماتيك هيكلفنى كتير ؟؟ وربنا يخليك يا استاذ احمد