أنا جاي من السعودية .. ولكن!!!!
 

السلام عليكــم ورحمـة الله وبركاتــة ،، :1200F8~158:
عزيزوني عزيزاتي أعضاء المنتدى الكرام

ازيكم وازي الحال في الحر والصيام؟
:10CC26~164:
أنا بقيت بقول شعر آه والله

إن شاء الله نازل أجازة من السعودية 3 أسابيع كده قبل ما المأمورية المهببة دي ما تخلص:red_face10:
ويارب أرجع لأهلى سالما غانما إن شاء الله :lvly:

دلوقتي العربية عامل بيها حوالي 62000 كم
وهي A516 موديل 2009

اللي عاوز آخد رأيكوا فيه هو كالآتي:

أولا: العربية في بورسعيد
وأنا ماغيرتش سير الكاتينة ولا البلي والشداد لحد دلوقتي
عشان كنت مسافر في المأمورية دي لمدة سنة وقلت بلاش
أدفع فلوس في السير وينشف من عدم الاستخدام، فهل ينفع
أسافر بيها من غير ما اغير السير لأن مافيش توكيل
لأبو الفتوح هنا في بورسعيد، وأرح أغيره في التوكيل في مصر؟

ثانيا: أنا خليت الجماعة يصورولي العربية وهي بتتغسل لقيت الآتي
طبعا خبطتين حلوين في الصاج عالماشي وفانوس خلفي مكسور، ماعلينا
لقيت فردة كاوتش نايمة والكلام ده من حوالي شهرين
هينفع أكشف عليها وألحمها وأمشي بيها عادي وللا رأيكوا إيه؟
مع العلم بأن ده الكاوتش الأصلى بتاع العربية من شهر أبريل 2009

ثالثا: وده في الغالب عالتجربة يعني مافيش فيه كلام فيصل
اللي هروح هلاقيه مافيش افتكاسات
البطـــــــــــــــــــــ اريــــــــــــــــــــــ ــــة
البطارية غالبا ماتت، حمايا كان كل جمعة بينزل يدور العربية يسخنها لي (ربنا يباركلي في عمره)
لحد ما من شهرين تلاتة كده مارضيتش تدور
راح جاب كهربائي أخد البطارية شحنها وحطها في العربية تاني ودورها وكله تمام
لكن حمايا فصل القواطيش بتاعت البطارية ولحد النهاردة مفصولة
ياترى يا هل ترى .. هتدور؟ ول مادارتش وشحنتها تاني هتعيش يا دكتور؟
وعداد الكيلومتر الديجيتال لسه محتفظ بالقراية بتاعته؟؟

اللي عنده إجابات ياريت يدخل يقول والجايزة بتاعته عبارة عن مجموعة مناقيش كحك متميزة
ومكنة بسكوت وبيتي فور ده زائد خصم 33% عند عم عوضي الفران على أول الشارع لكل صاج كحك وبسكوت
المشاركين في الموضوع

ياللا مستنى الـ :4: بتاعتكم

وكل عام وأنتم بخير

رد: أنا جاي من السعودية .. ولكن!!!!
 

هو ايه الى خبط العربيه :w6w200504112245306e:w6w2 00504112245306eاكيد واحده ست او برضة واحده ست ساقتها :w6w200504112245306e:w6w2 00504112245306e:w6w200504 112245306eهههههههههه

رد: أنا جاي من السعودية .. ولكن!!!!
 

لا يا باشا الجماعة مش بيعرفوا يسوقوا أصلا
والكل معاهم أخوها معاه عربية ومش محتاجها أصلا
أكيد حد بيركن جنبها سلم عليها ولا حاجة :cry2W9:

رد: أنا جاي من السعودية .. ولكن!!!!
 

ان شاء الله خير

رد: أنا جاي من السعودية .. ولكن!!!!
 

أنا جيت من السعودية ورجعت السعودية تاني
وكانت أجازة الله أعلم بيها:1286B2~161:

المهم الفردة اللي كانت نايمة عالأرض دي بعد ما حطيت الأستبن
رحت على بتاع الكاوتش
خليته كشفلي عليها والحمد لله طلعت تمام ممكن أمشي عليها عادي ولحم الخرم اللي فيها
البطارية بأه
آآآآآآآآآآه البطارية

البطارية يا أخوانا كانت نايمة وجبت واحد بتاع بطاريات قومهالي وتمام التمام
تاني يوم بادور :red_face10:

مافيش

رحت جبته تاني قومهالي وقاس شحن الدينامو طلع تمام
لكن البطارية مش ولا بد
يوم والتاني ورحت أجيب واحدة جديدة
وبنفتح الكبوت وعينيكوا ما تشوف الا النور
كانت متنفخة وبتطلع دخان من كل حتة والعين بتاعه لمبة الفحص .. كانت بتغلي :)

وسير الكاتينة ماكشفتش عليه لكن ماكنتش بقرص عالعربية عشان تعدي على خير
ماهي الأجازة بصراحة ماكانتش ناقصة

أنتوا مابتجوش ليه.. أبقوا تعالوا :01EDE7~120: