ما هى الية عمل مروحة التكييف فى الماتريكس
 

هل هى سرعة واحدة ام اثنتين مثل مروحة التبريد
و هل تخرج الهواء من الداخل للخارج
ام انها تسحب الهواء من الخارج لتدفعة الى سربنتينة التكييف لتبردها
و هل لها فيوز مستقل عن مروحة التبريد

رد: ما هى الية عمل مروحة التكييف فى الماتريكس
 

ممكن حد من المشرفين يرد على طلبى
لا اعتقد انة صعب الى هذا الحد
حتى لو امكن اين يوجد حساس تشغيل مروحة التكييف حتى اقوم بتغييرة

رد: ما هى الية عمل مروحة التكييف فى الماتريكس
 

اولا أسف للتاخير و كويس ان حضرتك عملت تنشيط للسوئال لانى برضه ساعات بكتب موضوع مهم و محدش يعبرنى علشان مبيتشافش و اجى انشطة فى وقت فى زحمة تقوم الدنيا كلها تشوفه

بأمانة مش حجاوب عن الميتركس تحديدا لانى مشوفتهاش
لكن عامة

1. سواء مروحة الرادياتير او التكييف بيشفطوا هواء فريش من قدام العربية يعنى من بره و بيطردوه فى الاتجاه الخلفى يعنى بيطلع على ورا يروح على حوض الماتور يعنى فعلا الهواء الى بيعدى من سربنتينة التكييف بيطلع بعدها يعدى على سربنتينة الرادياتير
2. المراوح فى المعظم ليها سرعتين على الاقل
3. ممكن مش متأكد ليها فيوز مستقل بس برضه متنساش ليها كاتاوت مستقل
4. المروحة ملهاش حساس مستقل دى بتاخد أمر الشغل من الكنترول بناءا على مجرد الضغط على زرار التكييف و برضه سرعاتها بناءا على بيان حساس حرارة مياه الرادياتير ( بيسموها ثرموستات المروحة )
5. فى معظم العربيات المروحتين بيشتغلوا مع بعض بصورة متقطعه و التكييف مش شغال و ساعتها الكنترول هو الى بيخليهم يشتغلوا و يبطلوا بناءا على بيان ثرموستات المروحة أما لما بتدوس زرار التكيف فالاتنين بيشتغلوا حتى لو العربية باردة و الكنترول بينقلهم من السرعة البطيئة الى السريعة بصورة متقطعة بناءا على بيان ثرموستات المروحة

و الله اعلم جرب تغيير كتاوت المروحة التانية ممكن يبقى اسمه fan B او fan no. 2

رد: ما هى الية عمل مروحة التكييف فى الماتريكس
 

اشكرك اخى على الرد و الاهتمام
قمت بتجربة التالى بنفسى
خلعت فيشة مروحة التكييف الامامية
و ركبت سلك مباشر من البطارية الى المروحة فى الاتجاة اللى انت كتبتة من الخارج الى الداخل
و طبعا هذا للتجربة و سرت بالعربية لمسافة ووقفت فى اشارة لمدة طويلة فى وقت الظهيرة فوجدت التكييف بارد و جميل كاى سيارة
هل ثرموستات الردياتير هى المسئولة عن تشغيل المروحتين حتى اقوم بتغييرها
لان المروحتان تعملان معا فى البداية و لكن عند اللف بالسرعة العالية الاحظ ان مروحة التبريد فقط تعمل و لكن مروحة التكييف تسكن

رد: ما هى الية عمل مروحة التكييف فى الماتريكس
 

ما المقصود باللف عند السرعة العالية ؟
يعنى السرعة التانية بتاعة المراوح ؟
لو كده
يبقى جرب تشوف الخريطة المرسومة على علبة الفيوزات و حدد هل فى ريلاى مستقل للمروحة التانية ؟ و لو كده جرب غيره
لان ثرموستات الرادياتير مسئولة عن حاجات تانية كتير عن طريق نقل اشارتها للكنترول و الكنترول بياخد قرارات تانية كتير اعتمادا على الثرموستات فلو بايظة العربية حتخرف خالص