مصر موتورز مجتمع السيارات - موضوع مهم بالصور عن تجربة ليا لدورة التبريد ونقص المياه عشان الكل يستفاد من اللى حصلى

من بداية الصيف كانت عندى مشكلة انى المية بتنقص فى القربة بنسبة بسيطة مثلا نصف كوباية كل اسبوع والعربية فيرنا 2007 رحت لناس وناس وناس وميكانيكية وريداتير ومحدش عارف اية السبب قلت يعنى اية مش معقول الحر يعمل كدة ما هو انا مش معايا 128 عشان المية تنقص وبعدين انا بحط مية خضراء ومهتم بيها قلت لله الامر اسيبها وازود وخلاص رحت بعد شهر اخدت مطب بيسط الله يسامحهم عملينة بالاسمنت فى السويس عندنا هوووووب فرملة مع طلوع المطب دب فى الارض لانى الكبوت نزل مع الفرملة جريت فتحت الكبوت ابص اطمن بصيت على كل حتة وفجاء لاحظت حاجة غريبة على الفتيس من فوقلقيت صدا اصفر جامد طبعا ملوش علاقة بالخبطة انما اخدت بالى منة ركبت عشان الطريق ورجعت البيت ابص براحتى لقيت فوق الصدا خرطوم الريداتير هما تلاتة واحد من الريدتير للمكنة بارد وواحد جايب السخن من المكنة للريداتير عشان يبرد وواحد حرف S جاى من المكنة للفرن
ابص على الخرطوم السخن الاقى زى نقط مية بتنزل ضعيف اوى على الفتيس ومصدية ولقيت املاح متراكمة كثيرة جدا علية طب هو داخل للمكنة عن طريق اية عن طريق كوعة بها ثلاث فتحات قلت لاة اروح التوكيل اشوف الكلام دا رحت وفك وطلعلى الكوعة ويالا نشوف شكلها http://i019.radikal.ru/1108/39/0528127f9e85.jpg

شايفين دى بعد ما شيلنا الاملاح اللى بالهبل منها طبعا اتبرت وبقت صغيرة على الخرطوم جدا الخرطوم من كثرة الاملاح وسع وادى شكل الثلاث خراطيم وهتلاخظوا الوسع والانتفاخ فيهم
http://s11.radikal.ru/i183/1108/4b/b58c3291c39b.jpg
http://s57.radikal.ru/i157/1108/2d/7a9c455042d2.jpg
شايفين الاملاح فى الخراطيم طب هتقولوا انت مش مستعمل مية نظيفة لية والله انظف نوع بستعملة والوقتى بجيب موبيل وهنشوف هيعمل اية طب ما نيجى نبص على الكوعة براحة كدة ونشوف عن قرب اوى ونلاحظ الاملاح وللعلم جربنا نحط الخرطوم ونشغل منفعش وحطينا معجون الجيل دا منفعش قبل ما نغير لانى المهندس محمد اللى فى التوكيل صديقى جدا ومحترم جدا
نبص ونشوف
http://s49.radikal.ru/i123/1108/87/40d50929e85f.jpg
شايفين هنا يا جماعة الدوران اتاكل يعنى مفيش حبس للمية بعد ما نركب الخرطوم طب خد دى بقى اتجننت لما شوفتها
http://i028.radikal.ru/1108/3e/24aae931abc7.jpg
الفتحة التالتة مخرومة من كثرة الملح شوفتوا بيضحكوا علينا ازاى مية ملونة مش كلة طبعا بس انا كنت بحط مياة امريكى نظيفة وكاانت 80 جنية الجركن وللعلم انا مزوتش الا قليل يعنى مية العربية الفبريقة اللى فيها هى اللى عاملة كدة
http://i039.radikal.ru/1108/f5/2179379ec795.jpg
شايفين الملح واكل الالمونيوم ازاى هههههههه الحمد لله انى احنا معدتنا جلد مش المونيوم ههههه اقوى معدة هى بتاعت المصريين
طب الموضوع دا كلفنى كام 500 جنية تغيير الكوعة والخراطيم و100 مصنعية و60 جنية مياة
ركب يا عم قالى الريداتير فى فتحات مسدودة سلكة الاول ونركب افضل وياريتنى ما عملت كدة الراجل برة فاككلى الريداتير ومعرفش يكبسة بيجيب مية من عند العمة ونحاول ونحط سيلكون وهه كبس وفرحت يوم واحد وجاب مية بسيط رحت داقك بالشاكوش والمفك على كل الكلبسات وجربت مجبش مية لحد الوقتى بس متهيقلى المية هتنقص بعدين وامنيتى انى اطلع غلطان والمية متنقص لانى الريداتير ب900 جنية بس ماشى الحال الى الان وهجرب اسبوع كدة واشوف حال المية بس لو نقصت يبقى العيب من الريداتير وان شاء الله مش هتنقص وهتبقى عال العال لانى غرمت والله كتير جدا غير الوقت وربنا عالم
اتمنى الكل يستفاد يا جماعة مش كل اللى المية تنقص منة يبقى خرم فى الريداتير دور كويس خراطيم وكوعة واخر حاجة الريداتير والغطاء بتاعة دى كل دورة التبريد واللهم امين ادعولى المية متنقص تانى الدعوة دى بمثابة شكر ليا على الموضوع ويارب الكل يستفاد ورمضان كريم عليكم