|
عربيتى اللى موريانى الويل
عربيتى اللى موريانى الويل
النهارده وانا راجعه من الشغل ماشيه فى امان الله ومخدتش بالى من البالووعه اللى قدامى طالعه مترين عن الارض يعنى حاجه قمه فى ال ............... اللهم انى صايمه المهم كلت البلاعه وطول الطريق حاسه بريحه بنزين جامد ف العربيه اطلع بره ملاقيش ريحه ولا حاجه اركب الاقى الريحه موجوده المهم رجعت البيت وركنتها ولقيت نقط زيت على الارض عايزه اعرف ده ايه المشكله دلوقتى وحلها ايه ؟؟ وهتتكلف كام مع العلم انى مشيت بيها كده حوالى 50 كيلو ياترى دى هتاثر على العربيه فى حاجه ؟؟ اصلحها بره ولا فى التوكيل اضمن مع انها اغلى كتييير ؟؟؟ مستنيه ردكوا |
رد: عربيتى اللى موريانى الويل
كدا اكيد تنك البنزين اتخرم والتوكيل بيغير مبيصلحش كل الحكاية بسيطة جدا انتى هتروحى تلحمى الخرم وخلاص مبروك بس غيرلى فلتر البنزين لانة اكيد بعد اللحاكم هيلم شوائب والف سلامة
|
رد: عربيتى اللى موريانى الويل
أنا متهيألى تكشفى على الموتور من تحت عشان تتأكدى من كارتيرة زيت الموتور ,, لآنك بتقولى لقيتى نقط زيت تحت العربية
|
رد: عربيتى اللى موريانى الويل
لو العربيه دي جديده عليكي والتوكيل يكشف علي الموتور ويطمن علشان الزيت الي بينقط
ويشوف موضوع البنزين اكيد التنك اتخرم وراي تغيريه انا عمل معايا قبل كده في الانوس ولحمته بس موضوع فاشل ولحمته كمان كذا مره ومش بالساهل الحام بتاعه لازم يتحل التنك عند ميكانيكي وبعدين تخديه ولازم يتغسل كويس جدا علشان ريحه البنزين ويتساب لحد تاني يوم وبعدين تخديه عن سمكري يلحمهولك ولازم يتاكد انه مفهوش ريحه بنزين وبعدين تخديه وتريحي بيه للميكانيكي تاني يركبه وكده يبقي تمام تخيلي بقي انا عملت الموضوع ده 3 مرات وفي الاخر جبت واحد استعمال عامل 500 جنيه وريحت دماغي علي الاخر الحمد لله وبعدين خدي بالك موضوع الزيت ده يقلق جدا اوعي تمشي بيها قبل متشوفي الزيت ده جي منين لو العربيه لسه شاريها وجديده انا راي التوكيل لو قديمه يبقي عليكي وعلي الصنيعيه وربنا يقويكي اسف علي الاطاله |
رد: عربيتى اللى موريانى الويل
فعلا اهم حاجة الماتور ميشتغلش الا لما يتعرف التلفيات بالظبط و هي واقفة في مكانها
|
| الساعة الآن 10:40 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017