قربة الريداتير هل دا عادى ولا عندى مشكلة محتاج نصيحة
 

السلام عليكم ورحمة الله وبركاته
انا معايا فيرنا 2007
عاملة 50000 المشكلة يا جماعة انى مع بداية الحر والصيف دا
لاحظت انى مية القربة بتقل كل 3 اسابيع نصف كوباية مية على العلم انى بخليها فى منتصف علامة min -max
وهى باردة
عشان لما بتسخن المية بتطلع لحد max بالضبط
المهم بلاحظ نقص بالمية فى القربة رحت غيرت المية كلها وفضيت الريداتير كلة وحطيت موبيل الزرقاء ولكن معرفتش افضى القربة فخليتها بالمية بتاعتها وخلاص
وبرضة كل 3 اسابيع تقريبا بتنقص نصف كوب مية او اقل وانا بمشى كل يوم بيها حوالى 40 كيلو ومشغل التكييف دايما
فهل عادى انها تنقص لانى واحد قالى المية مبتنقص خالص لمدة سنين ولا عندى مشكلة وابتدى اكشف عليها
ارجوكم طمنونى للعلم الحرارة عادية وطبيعية الحمد لله

رد: قربة الريداتير هل دا عادى ولا عندى مشكلة محتاج نصيحة
 

اولا تغييرك للميه مكنش المفروض تتوقع انه حيحل الموضوع
ثانيا نقص الميه القليل بيبقي صعب تحديد سببه
فجرب دور علي سبب النقص و مش مشكلة لو معرفتش الوضع مش مقلق

رد: قربة الريداتير هل دا عادى ولا عندى مشكلة محتاج نصيحة
 

اشكرك جدا استاذ احمد وافهم من كلام حضرتك انى المفروض متنقص خالص المية مهما كانت ظروف الجو صح الكلام ولا ....

رد: قربة الريداتير هل دا عادى ولا عندى مشكلة محتاج نصيحة
 

للاسف صح المفروض كل فين و فين لما تنقص حاجة ملحوظة كل 6 شهور مثلا او سنة

رد: قربة الريداتير هل دا عادى ولا عندى مشكلة محتاج نصيحة
 

شوف يا غالى .. جرب تزود الميه لغاية max والعربية بارده .. وشيك على كاوتشه غطاء القربة وغطاء الريدياتير ..

بس على فكره لو التسريب استمر بالمعدل ده مفيش اى مشكلة .. وعربيات كتير بتبقى كده ..


ابقى برضو افتح الكبوت والعربية سخنه (يفضل فى مكان هادئ) وحاول تدور على اى تسريب ..