|
ارجوا اعطاءى الحل سريعا جزاكم الله خيرا ؟
السلام عليكم عندى مشكلة انا لسة متعلم السواقة عن قريب واشتريت عربية سيات 124 موديل 77 والمشكلة ان العربية عصايا الفتيس بتاعتها تقيلة فى الغيارات عاوزة قوة فى التعامل مع الغيارات ولما بدى الغيار الثالت وبهدى وعاوز ارجع للتانى الاقية بيعاكس معاية يعنى يرجع للتانى بس باسمع صوت عالى فيه زى ونة او زى زعقة بكده بصوت وكأنه بيرعش دية اول مشكلة المشكلة التانية انى بسمع ساعات خاصة مع النقل بين الغيارات زى صوت كأن حد بيخبط على حلة ( زى طقطقة ) بسمعها من تحت بس مش عارف منين وساعات بسمع نفس الطقطقة وانا بهدى بالفرامل فى المطبات وساعات بسمع نفس الصوت وانا بهدى بالفرامل وادى الاولانى فى المطبات بس بسمعها اكتر مع النقل بين الغيارات وناس تقولى من الشكمان فيه خرم وناس تقولى من الكردان عاوز زور فمش عارف ايه اللى فيها بالظبط المشكلة التالتة انى بلاقى الماكينة بتاخد وبتدى ( تعلى وتوطى ) تحت رجلى من عند البنزين فيها زى تنتيشة كده المشكلة الرابعة انى كل ما بفتح غطاء الرداتير الاقى الماية اللى بتخرج منه فيها زى تراب جامد بتطلع زى تراب فى الأول وبعد ثوانى بتروق وبتبقى ماية عادية اللى خارجة مع انى بدى ماية نظيفة للعوامة اللى بتدى للرداتير المشكلة الأخيرة انى جيت ادور العربية الصبح بعد ما سبتها 3 ايام مركونة مع انى مغير المبينة علقت شوية ومادارتش فى الأول وبعدين دارت بس لقيت لمبة الدينامو اللى هى بيبقى عليها رسمة زى شكل حجارة قلم لقيتها كل شوية بتضيىء وتطفى مش على طول بس ساعات كتير تضيىء وتطفى ارجوا اعطائى تفاصيل الحل بالتفصيل التام لإنى مبتدأ فى السواقة وعاوز اعرف ايه اللى فى عربيتى بالضبط علشان لما اروح للميكانيكى ميشتغلنيش |
رد: ارجوا اعطاءى الحل سريعا جزاكم الله خيرا ؟
ارجوا الرد جزاكم الله خيرا
|
رد: ارجوا اعطاءى الحل سريعا جزاكم الله خيرا ؟
شيك على زيت الفتيس
خد هوا للماستر العمومى للدبرياج خد هوا للماستر الفرعى للدبرياج غير الحشو بتاع عصايا الفتيس |
رد: ارجوا اعطاءى الحل سريعا جزاكم الله خيرا ؟
معلش يا باشا انا كنت رديت من اول ما سألت بس المشكلة اني بدخل من الموبايل و ساعات الردود متطلعش
بالأضافة للقاله الاستاذ mrastra علي ما أظن أن طبيعي المية مش حتبقي صافية علشان الترسيب بتاع الدورة نظرا لقدم العربية أما لو العربية فيها كردان فشكله فيه رفة او كرسي النص او الصلايب أما لو كبالن فأحتمال القاعدة الي قريبة من الفتيس احتمال الكاربيراتير عايز يتنضف و طقم الكهرباء يتكشف عليه و شحن الدينامو |
رد: ارجوا اعطاءى الحل سريعا جزاكم الله خيرا ؟
allah yekoun fe 3onak
|
| الساعة الآن 05:25 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017