ظهرت مشكلة بالنيسان صنى واريد حل من خبراء النيسان
 

العربية بقالها معايا دلؤتى تقريبا سنة و10 شهور ------
عاملة حوالى 60 لف كيلو وصيانة دورية وفبريكاااا زى الفل

كانت شغالة تمام التمام والحمد لله مبسوط انها مبتغيرش الا الصيانة وفقط الى ان
بدأت تظهر مشــــــــــاكل

اول حاجة فى زنة فى الطابلوة بتاع العربية مع المطبات وانا ماشى بتظهر دلؤتى شيلت كل الحاجات والورق والعلب ايلى فى الطابلوة وبرضة فى زنة مع المطبات


تانى حاجة بئة وايلى حاسس ان وراها مشكلة المكيف بشغلة بالنهار فى الظهرية بيكون الجو حرر وانا ماشى على السريع المكيف تمام 10 على 10 ادخل فى الزحمة والعربية تقف وتمشى واحدة واحدة المكيف ميبردش والهواء يبئة عادى ومع الوقت بيسخن ويحلف بالله ماهو مبرد

اتحرك بيها واخد على طريق سريع الائى المكيف بدأ يسقع تانى ويرجع تمام مش فاهم لية وفية اية

بليل اشغل المكيف الجو بيكون كويس ودرجة الحرارة كويسة المكيف يشتغل كويس اجننت هل دة من الحرارة العالية ولا من اية مش فاهم !!!!!!!!!!!!!!!!

اخر حاجة بئة مفتاح الريموت بتاع العربية فصل مبيشتغلش وهل حد يعرف تمنة بالتوكيل كام وهل فى الضمان ولا لأ ؟

وشكررررررااااااااااا

مع العلم انها عربية محترمة عفشة نشفة شوية ماتور بدا ينعم جداااا وصوته بدا ينعم

سحب على الطريق ممتاز

رد: ظهرت مشكلة بالنيسان صنى واريد حل من خبراء النيسان
 

http://www14.0zz0.com/2011/07/06/19/767006708.jpg

عربيتى بعد تعديل بسيط للعربية غير شكلها تماما وضخمهااااا من غير حركات تقلبها من سيمبل ل 0000000000

رد: ظهرت مشكلة بالنيسان صنى واريد حل من خبراء النيسان
 

بص يا باشا بالنسبه للتكيف فده عادى لان الجو نار دلوقتى و اى عربيه كده
المفتاح ممكن البطاريه تكون خلصت جرب تغير البطاريه
بالنسبه للطابلوه فروح للتوكيل يظبطهولك

و هتبقى تمام ان شاء الله

رد: ظهرت مشكلة بالنيسان صنى واريد حل من خبراء النيسان
 

لألألألألألألأ التكيف مش عادى دة بيعطل خالص وانا شوفت عربيات اصدقاء لية نيسان شغال كويس


هو ممكن يكون نقص فريون تقريبا لسة هاعدى على بتاع التكيفات وازود فريون بكرة واشوف

الريموت غيرت الحجارة ونفس القصة شكلة باظ ياترى التوكيل هايقولى بكام بئة !!!!!!!!!!

رد: ظهرت مشكلة بالنيسان صنى واريد حل من خبراء النيسان
 

يا ريت متعملش شغل برة التوكيل
توكيل نيسان محترم
روح السبع اوتو في المعادي خليهم يشوفوا زنة التابلوة و يكشفوا على التابلوة و المفتاح

فعلا المكيف كده مش طبيعي يا اما شحن زايد يا اما في مشكلة في المنظم اللي قبل المكبريسور

التوكيل يظبطه احسن من بتاع التكييفات العاديين كلهم ما بيفهموش اللا من رحم ربي