|
مشكلة فتيس في سيراتو 2011 !!!!!
السلام عليكم ورحمة الله ...
اخواني الأعزاء أعضاء مصر موتورز ..... أنا اشتريت سيراتو خليجي 2011 كسر زيرو (5000كم) بسعر مغري جدا جدا جدا.... وبعد ما اشتريت العربية بأسبوع واحد ظهر فيها مشاكل كارثية في الفتيس ... أولا أحيانا لما اجي أرجع لورا وأحط ريفيرز العربية ما بتاخدش الغيار ولازم أطفيها وأرجع أشغلها تاني ... المشكلة التانية اني لما باجي أهدي أو أمسك فرامل العربية بتنتش بشكل غبي جدا وبتقطع وبحس انها هتطفي طبعا المشكلة ان العربية خليجي وملهاش ضمان في التوكيل ... ولما كلمت التوكيل قالوا انهم بياخدوا أرضية 150ج في اليوم علي وقفة العربية عندهم بالاضافة لزيادة من 10 الي 15% علي تمن القطع والمصنعيات وغالبا هيكون حلهم في الاخر اني أغير الفتيس واللي تمنه لن يقل بكل الأحوال عن ال 18 ألف ... وخايف جدا من شغل الميكانيكية برة خصوصا انهم بيحبوا يجربوا ويا تصيب يا تخيب .... المهم دلوقتي اني مش عارف أعمل ايه في المشكلة دي وعايز مساعدة .... |
رد: مشكلة فتيس في سيراتو 2011 !!!!!
لاحول ولا قوه الا بالله علي فكره قطع غيار الاستعمال فالسيراتو بالكوم لانها للاسف حوادثها كتير لكثره انتشارها وغالبا بتتكهن فحتلاقي قطع غيار استعمال بالكوم بس انا اعتقد ان المشكله اللي عندك مش فتيس وده بنسبه 90% المشكله مشكله كومبيوتر اعملها اسكان وشوف السوفت لان دي لخبطه بركجه ومنتظرين اراء الخبراء وان شاء الله خير |
رد: مشكلة فتيس في سيراتو 2011 !!!!!
دي مشكله سوفت وير الفتيس سليم يا معلم
|
رد: مشكلة فتيس في سيراتو 2011 !!!!!
طبعا باين من الكلام انى المشكلة سوفت وير الكمبيوتر لكن فتيش لاة لان لو الفتيش بايظ مش هتنتش لاة هتقف نهائى وتعمل صوت نحر او صفارة او طنين كدة انما دا مش فتيس خالص راجع عند التوكيل كشف كامل على الحساسات والسوفت وير تقريبا 250 جنية فى التوكيل صدقنى وشوف
|
رد: مشكلة فتيس في سيراتو 2011 !!!!!
زى ما كل التعليقات بتقول واخويا هيونداى قال برده المشكله مش مشكله فيتيس لان لو فى حاجه فى الفيتيس عمرها ما هتتحرك من مكنها او تاخد غيار وتمشى وتنقل معاك برده دى مشكله فى الكمبيوتر بتاع السياره الافضل تشوفها على الكمبيوتر بتاع التوكيل وسيبك من الناس الى بره التوكيل ده راى وياريت تاخد بيه عشان متتعبش نفسك وانتا مش محتاج تحجز فى التوكيل ولا حاجه ده كشف اعطال كمبيوتر مش هياخد وقت منك وربنا يسطرها عليك وعلى كل الناس :fun_36_3_11[1]:::::::::::::::::::::::: تحياتى :::::::::::::::::::::fun_ 36_3_11[1]: |
| الساعة الآن 06:15 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017